“AvtoVAZ” kompaniyasi rossiyalik muhandislar noldan boshlab yaratgan yangi Lada UnjoY Pro multimedia tizimining o‘ziga xosliklari tasvirlangan videorolik bilan bo‘lishdi. Mutaxassislarning so‘zlariga ko‘ra, multimedia yuqori zamonaviy standartlarga javob beradi, deb yozadi Motor.
Lada EnjoY Pro multimedia tizimi ikki yil davomida yaratilgan. Kompaniyaning telematika va multimedia bo‘limi boshlig‘i Pavel Dorojkinning so‘zlariga ko‘ra, mutaxassislar apparat-dasturiy platformani noldan boshlab ishlab chiqqan, shuningdek, maksimal darajada tezkorlik va funksionallikni ta’minlovchi kuchli dasturiy ta’minotdan foydalangan. Muhandislar Lada EnjoY Pro’ni avtomobilga o‘rnatilgan “yaxshi darajadagi smartfon”ga qiyosladi.
“AvtoVAZ” model qatorlariga o‘rnatilishi mumkin bo‘lgan mavjud multimedia tizimlaridan farqli o‘laroq, Lada EnjoY Pro’ga videoni bloklash uchun avtomobil tezligi monitoring, shuningdek, favqulodda qo‘ng‘iroq vaqtida shovqinni yutadigan ERA-GLONASS tizimi integratsiya qilingan. Mazkur multimedia tizimi Android 9’ning avtomobil versiyasidagi 8 dyuymli displeyda ishlaydi.
Yangi multimedia tizimining yana bir o‘ziga xosligi Fransiyaning Arkamys kompaniyasi tomonidan yaratilgan ovoz tizimi hisoblanadi. “AvtoVAZ” vakillarining so‘zlariga ko‘ra, Lada EnjoY Pro’ning ovoz tizimi salon qoplamasi va dinamiklar tavsifi hisobga olingan holda alohida sozlangan. Ayni vaqtda Lada EnjoY Pro’dan Vesta, XRay hamda XRay Cross’ning yangi modellarida foydalanish mumkin.
Mazkur yangi tizim o‘rnatilgan Vesta’ning narxi 857 ming rublni (11,5 ming dollar) tashkil etadi.
Izoh (0)