Хитойнинг Гонконг шаҳрида икки киши Promise судхўрлик компаниясига бостириб кириб, ходимларни қўрқитиш учун сув отадиган ўйинчоқ тўппончадан фойдаланди. Эркаклар 200 миллион гонконг доллари (25,7 миллион АҚШ доллари) талаб қилган, деб ёзади South China Morning Post.
Хабарга кўра, полиция гумонланувчилардан бири — 27 ёшли ишсиз эркакни ҳибсга олган. Айни пайтда унинг тахминан 30 ёшларда бўлган шериги қидирилмоқда.
Полиция манбаларининг таъкидлашича, компания ходимлари ўйинчоқ билан таҳдид қилинаётганини тушунган, чунки «қурол» шаффоф кўк рангда ва пластикдан ясалган. Кўп ўтмай босқинчилар қочиб кетган, аммо кейин улардан бири қайтиб келган.
«Бу сафар у қўлида қалам ушлаб олган. Пештахтадан сакраб ўтиб, ходималардан бирига полицияни чақиришни буюриб, таҳдид қилган», — деди нашрнинг манбаси.
Полиция вакилининг айтишича, ҳеч нарса ўғирланмаган ва ҳеч ким жабрланмаган. Таъкидланишича, гумонланувчи руҳий касал бўлмаса ҳам, у психологик кўрик учун касалхонага юборилиши мумкин.
Изоҳ (0)