Жонс Ҳопкинс университети маълумотларига кўра, дунёда коронавирус билан касалланганлар сони 158 988 250 кишига етди. Вирусни юқтириб олганлар сони бўйича АҚШ (32,7 миллион), Ҳиндистон (22,9 миллион), Бразилия (15,2 миллион), Франция (5,8 миллион) ва Туркия (5 миллион) етакчилик қилмоқда.
COVID-19 оқибатидаги ўлимлар сони эса дунё бўйича 3 304 921 тани ташкил қилмоқда.
БМТ ўз ходимларини Россиянинг «Спутник V» вакцинаси билан эмлайди
БМТ Россиянинг коронавирусга қарши «Спутник V» вакцинасини қўллашни бошламоқчи. Бу ҳақда ташкилот бош котиби Антониу Гутерриш маълум қилди. Унинг айтишича, БМТ Жаҳон соғлиқни сақлаш ташкилоти вакцинани тасдиқлашини кутмоқда. БМТнинг «Спутник V» маъқулланган давлатлардаги ходимлари аллақачон ушбу дори билан эмланмоқда.«Авваламбор, БМТнинг кўпчилик ходимлари айнан Россия Федерациясида ‘Спутник V’ вакцинасини олишга улгурди. Биз ундан ўзимиз фойдаланиш имкониятига эга бўлишни истардик, аммо ЖССТнинг уни маъқуллашини кутяпмиз, бу БМТ фаолияти нуқтаи назаридан зарурдир», — деди Гутерриш.
«Биз, албатта, ‘Спутник V’ билан вакцинация кампаниясини ўтказаётган мамлакатларда ишлайдиган БМТ ходимларини ушбу вакцина билан эмланишга чақирамиз», — дея қўшиб қўйди у.
Мавзуга доир: БМТ бош котиби коронавирусга қарши эмланди
Италияда талаба қиз хатолик туфайли бир йўла олтита дозада эмланди
Италияда 23 ёшли талаб қиз Pfizer/BioNTech компанияси вакцинасининг бир йўла олтита дозаси билан эмланди. У Масса-Каррара шаҳрида ўзи амалиёт ўтаётган касалхонага келиб эмланган, аммо тиббиёт ходимлари янглишиб, унга бир йўла олтита дозани юборган. Ўз хатосини англаганидан кейин ходимлар қизга бу ҳақда маълум қилишган.Қиз кеча-ю кундуз назорат остида бўлиб туриш учун касалхонада қолдирилган, 24 соатдан кейин уйига жавоб берилган. Айни пайтда уйида бўлган қиз бош оғриғи ва қўл соҳасидаги ноқулайликдан шикоят қилмоқда. Аммо у ҳамширани судга бермоқчи эмас.
Таъкидланишича, Pfizer вакцинаси ҳар бири олтита дозага мўлжалланган ампулаларда етказилади. Қизни тўлиқ битта ампула билан эмлашган. Баъзи мутахассислар фикрича, дорини ошиқча миқдорда юбориш зарур самарага олиб келмаслиги мумкин.
Мавзуга доир: Литвада хатолик туфайли бир аёл бирданига беш дозада коронавирус вакцинаси билан эмланди
Малайзияда 12 майдан қарийб бир ойга локдаун жорий қилинади
Малайзия ҳукумати коронавирус тарқалиши муносабати билан 12 майдан 7 июнгача мамлакатда умуммиллий изоляция режимини жорий этишга қарор қилди.Хусусан, жамоат тадбирлари тақиқланади, ресторанларга бориш, штатлар ва туманлар ичида ҳаракатланиш мумкин бўлмайди (иш, шошилинч ҳолатлар, тиббий сабаблар, эмланиш ёки турмуш ўртоғини кўришга бориш каби сабаблар бўлмаса). Очиқ ҳавода спорт билан шуғулланиш бўйича баъзи чекловлар киритилади.
Worldometers статистик сайти маълумотларига кўра, Малайзияда пандемия бошидан буён 444,4 минг киши коронавирусга чалинган, шуларнинг 1,7 мингдан ортиғи вафот этган.
Шунингдек:
- АҚШда Pfizer вакцинаси билан ўсмирларни эмлаш маъқулланди. Энди 12 ёшдан ошган америкаликлар ушбу вакцинани олиши мумкин. Бундан ташқари, компания ўз дорисини олти ойликдан ошган болаларда синовдан ўтказмоқда.
- Буюк Британияда коронавирус чекловлари юмшатилмоқда. 17 майдан мамлакатда паб, кафе ва ресторанларнинг ёпиқ биноларида хизмат кўрсатиш очилади, одамлар очиқ ҳавода кўпчилик бўлиб тўпланиб ўтириши мумкин бўлади. Кинотеатр ва спортзаллар ҳам очилиши мумкин. Ҳукумат ўз яқинлари билан қучоқлашиб кўришмаслик тавсиясини бекор қилди.
Изоҳ (0)