Шарқий Қуддусда фаластинликлар ва Исроил полицияси ўртасида тўқнашувлар давом этаётган ал-Ақсо масжиди олдидаги дарахт ёниб кетди. Бу ҳақда Reuters хабар берди.
Хабарга кўра, ёнғин тезда ўчирилиб, масжидга ҳеч қандай зарар етказилмаган. Исроил полициясининг баёнотига кўра, ёнғин келиб чиқишига петарда сабаб бўлган. Полиция вакили ўша пайтда Исроил хавфсизлик кучлари шовқин тарқатувчи гранаталар улоқтирганми ёки йўқлиги ҳақида аниқ айтмади.
https://twitter.com/adham922/status/1391809628502118407
https://twitter.com/GNNANOW/status/1391811525237739524
Ал-Ақсо масжиди ҳудудида Исроил полицияси ва фаластинликлар ўртасида тўқнашувлар 7 май, жума кунидан бери давом этмоқда. Тўқнашувлар натижасида бир неча юз киши жабрланди. Қарама-қаршиликлар Қуддус шарқидаги бир нечта фаластинлик оилаларни уйларидан ҳайдаб чиқариш тўғрисидаги суд қароридан кейин бошланди.
10 май куни Маъбад тоғидаги ал-Ақсо масжидида полиция билан тўқнашувларда 280 га яқин фаластинлик жароҳат олгани ҳақида хабар берилди. Қизил ярим ойнинг сўнгги маълумотларига кўра, тўқнашувлар натижасида 395 фаластинлик жароҳат олган, улардан 263 нафари касалхонага ётқизилган.
«Тартибсизлик фонида Ғазо секторидан Қуддусга еттита ракета отилган, улардан бири ‘темир гумбаз’ ҳаво ҳужумидан мудофаа тизими томонидан уриб туширилган, қолганлари эса аҳоли яшамайдиган жойда портлаган», — деб ёзади The Times of Israel. Газетанинг ёзишича, ҳужумлар учун жавобгарликни «Фаластин исломий жиҳоди» террорчилик гуруҳи ўз зиммасига олган.
Изоҳ (0)