АҚШнинг NASA миллий космик агентлиги Long March 5b ракетаси қолдиқларининг Ҳинд океанига тушиши сабабли Хитойни космик чиқиндиларни ташлашнинг меъёрий талабларига жавоб бермаётганликда айблади, деб ёзмоқда «Korrespondent.net».
«Давлатлар космик объектларнинг қайтиб келганидан кейин инсонлар ва Ер учун хавфни минималлаштириши ҳамда бундай операцияларнининг шаффофлигини максималлаштириши лозим. Хитой космик чиқиндиларни ташлаш учун ўрнатилган меъёрий талабларга жавоб бермаяпти. Хитой ва бошқа барча космик давлатлар, шунингдек, тижорат ташкилотлари космик фаолиятнинг хавфсизлиги, барқарорлиги ва узоқ муддатли фаолиятини таъминлаб, космосда масъулиятли ва шаффоф ҳаракат қилиши жуда муҳимдир», — дейилади NASA раҳбари Билл Нелсоннинг баёнотида.
Маълумот учун, апрель ойида Хитойнинг бўлғуси космик станциясининг асосий модулини Ерга яқин орбитага олиб чиққан «Катта марш-5» (Long March 5b, «Чанжчен-5») элтувчи ракетаси поғонасининг бўлаклари Ҳинд океанига қулаб тушди.
«Тянхе» базавий модули («Осмон гармонияси») ракетаси Хайнан провинциясидаги Венчан космодромидан 29 апрель куни маҳаллий вақт билан соат 11:23 да (Тошкент вақти билан соат 08:23 да) учирилган эди.
Ғарб космик агентликлари ракетанинг қарийб 18 тонналик иккинчи поғонаси орбитадан назоратсиз тарзда тушаётгани ва бўлаклар аҳоли яшайдиган ҳудудларга тушиши мумкинлиги ҳақида хулосага келди. «Шуниси аниқки, Хитой бўлакларнинг қулаши билан боғлиқ масъулият стандартларига риоя қилмайди», — деган эди NASA вакили. Хитой, ўз навбатида, вазият штат доирасида эканини таъкидлади.
Изоҳ (0)