International SOS тиббиёт ва туризм ташкилоти 2021 йилда саёҳат қилиш учун энг хавфли мамлакатлар харитасини янгилади, деб ёзмоқда Tengrinews.
Янгиланган маълумотларга кўра, Ливия, Сурия ва Афғонистон энг хавфли мамлакатлар ҳисобланади.
Шунингдек, сайёҳларга Мали, Сомали, Жанубий Судан, Марказий Африка Республикаси, Миср, бундан ташқари, Нигериянинг бир қисми, Конго, Покистон ва Ироқ давлатларига бориш тавсия этилмайди. Шу билан бирга, бу рўйхатга Украина ҳам киритилди.
Давлатларга, биринчи навбатда, сиёсий вазиятни, ижтимоий нотинчлик хавфини, шунингдек, зўравонлик билан қилинган жиноятлар ва майда безорилик ҳолатларини ҳисобга олган ҳолда баҳо берилди.
Аввалроқ Марказий Осиё давлатлари АҚШ фуқаролари учун саёҳат қилиш тавсия этилмаган мамлакатлар рўйхатига киритилган эди. Рўйхатда, хусусан, Ўзбекистон, Қозоғистон, Қирғизистон, Туркманистон, Тожикистон, Россия, Хитой, Сингапур, Эрон, Бразилия, Аргентина, Мозамбик, Чад, Косово, Кения ва Танзания каби давлатлар бор.
Изоҳ (0)