Amazon асосчиси ва дунёнинг энг бой инсони Жефф Безос Нидерландиянинг Oceancо кемасозлик корхонасидан 127 метрлик яхта сотиб олишга қарор қилди. Яширин равишда амалга оширилган буюртма ҳақида Bloomberg хабар берди.
Нашрнинг ёзишича, бу каби яхталар нархи 500 миллион доллардан ошиши мумкин. Кемада ҳатто вертолёт қўниши учун майдонча ҳам бўлади.
Мақола муаллифларининг таъкидлашича, ҳатто қурувчилар доирасида ҳам бирор маълумот бўлмаган яхта дунёдаги энг яхши кемалардан бирига айланади. У ишлаб чиқарувчи линейкасидаги энг катта кемага айланади. Бунга қадар ушбу рекорд Forbes рўйхатидан жой олган Олег Бурлаковнинг Black Pearl(«Қора марварид») яхтасига тегишли бўлган.
Bloomberg мазкур яхтанинг миллиардернинг навбатдаги «аксессуари» деб атамоқда. Forbes рейтингининг етакчиси бўлган Безоснинг бойлиги 197,8 миллиард долларга баҳоланади.
Мавзуга доир: «Ўзингизни камбағалдек ҳис қилиб кўринг». Америкалик дастурчи Жефф Безоснинг даромадини ҳисоблайдиган сайт яратди
Изоҳ (0)