Amazon asoschisi va dunyoning eng boy insoni Jeff Bezos Niderlandiyaning Oceanco kemasozlik korxonasidan 127 metrlik yaxta sotib olishga qaror qildi. Yashirin ravishda amalga oshirilgan buyurtma haqida Bloomberg xabar berdi.
Nashrning yozishicha, bu kabi yaxtalar narxi 500 million dollardan oshishi mumkin. Kemada hatto vertolyot qo‘nishi uchun maydoncha ham bo‘ladi.
Maqola mualliflarining ta’kidlashicha, hatto quruvchilar doirasida ham biror ma’lumot bo‘lmagan yaxta dunyodagi eng yaxshi kemalardan biriga aylanadi. U ishlab chiqaruvchi lineykasidagi eng katta kemaga aylanadi. Bunga qadar ushbu rekord Forbes ro‘yxatidan joy olgan Oleg Burlakovning Black Pearl (“Qora marvarid”) yaxtasiga tegishli bo‘lgan.
Bloomberg mazkur yaxtaning milliarderning navbatdagi “aksessuari” deb atamoqda. Forbes reytingining yetakchisi bo‘lgan Bezosning boyligi 197,8 milliard dollarga baholanadi.
Mavzuga doir: “O‘zingizni kambag‘aldek his qilib ko‘ring”. Amerikalik dasturchi Jeff Bezosning daromadini hisoblaydigan sayt yaratdi
Izoh (0)