Образи учун ташқи кўринишини ўзгартиришдан қўрқмайдиган Голливуд юлдузлари (фото)

Кучли театр актёрининг ўзига хос хусусиятларидан бири ташқи кўриниши каби ички дунёсини ҳам ўзгартира олиш қобилиятидир. Томошабинлар образни ижро этаётган актёрга эмас, балки персонажга эргашишни хоҳлайди. Бу борада театр актёрларидан кўра кино актёрлари учун янада қийинроқ, чунки томошабинлар уларни саҳнадаги актёрларга қараганда анча яқиндан кўришади.

Қуйида фильмдаги роли учун нафақат ички оламини, балки ташқи кўринишини ҳам бутунлай ўзгартирган актёр ва актрисалар ҳақида маълумот берамиз.

Тим Карри

«Уйда ёлғиз-2» фильмидаги меҳмонхона хизматчисини эслайсизми? У доимо бошқаларнинг ишига бурун суқиб, ҳаммага чойчақа бериш кераклигига ишора қиларди. Бу Тим Каррининг энг таниқли ролларидан бири, аммо энг ёрқини эмас.

Айнан шу табассум эгаси биринчи марта экранлаштирилган «У» фильмида ёвуз масхарабоз ролини ижро этган. 70 йилларда эса «Рокки Ҳоррорнинг даҳшатли шоуси» мусиқий фильмида роль ўйнаган, мазкур фильмда у телба олима қиёфасида намоён бўлган.

Стенли Туччи

Афтидан, бу мафтункор актёр ҳар қандай ролни ўйнаши мумкин. Бунинг учун унинг учта ролини таққослаш кифоя: «Қаттиққўл хоним» фильмидаги ишчан дизайнер, «Очлик ўйинлари»да эксцентрик бошловчи, «Севимли суяклар» фильмида жиноятчи.

«Ёқимли суяклар» фильмидаги роли учун Туччи ҳатто «Оскар» мукофотига даъвогар бўлган, чунки у руҳий беқарор одам характерини қойилмақом қилиб ижро этган.

Роуз Макговен

«Афсунланганлар» фильмидаги роли Роуз Макговенга машҳурлик олиб келди. Кўпчилик актрисада фақат опа-сингил Фиби ва Пиперни кўришган, аммо актриса бошқа ролларни ҳам маромига етказиб ижро эта олиши мумкинлигини исботлаган.

Жеймс Макавой

«Сплит» фильмида 24 кишилик образни ижро этиш орқали Жеймс Макавой барчани қойил қолдирган. Бу туғма истеъдоди билан у «Гуноҳларни ювиш» фильмида бир нигоҳи билан томошабинлар ёдида қолган, «Нарния салтанати»да у жаноб Тумнус роли билан мухлислар олқишига сазовор бўлган.

Антонио Бандерас

«Чорасизлик» фильмидаги ролидан кейин Антонио Бандерас фақат испаниялик мачо образида эсда қолди. Аммо актёр ҳеч қачон ампуласидан чиқишдан қўрқмаган ва кўпинча экранларда кутилмаган ролларда намоён бўлган. Масалан, «Вампир билан интервью»даги ўлмас жонзот ёки «Суғурталовчи» фильмидаги ҳаётдан чарчаган одам роллари сингари.

Мегги Смит

Актриса зодагон хоним ролига жуда яхши тушади, буни «Даунтон аббатлиги»да ҳам кўриш мумкин. Аммо Мегги Смитнинг актёрлик доираси анча кенг. У аёллар монастирининг бошлиғи («Давом эт») ҳамда сергап уйсиз кампир («Фургондаги хоним») ролини ишонарли даражада ўйнаган.

Жим Керри

Жим Керри ҳар қандай ролга сингиб кетади: комедик, драматик ва мураккаб ролли фильмларда ҳам. «Кинодаги Соник» фильмида у салбий характерни ижро этган бўлса-да, барибир томошабинлар кўнглидан жой олган. «Мен сени севаман, Филипп Моррис» трагикомедиясида актёр қалби парчаланиб кетган одамнинг ички дунёсини жуда нозик кўрсатиб бера олган. «Ажойиб Берт Уандерстоун» фильмида эса Жим Керри умуман бошқа образ —  кўча сеҳргарига айланган.

Ник Сталл

«Терминатор 3: Машиналар исёни» фильмида актёр лойиҳани ташлаб кетган Эдвард Фурлонг ўрнини эгаллаб, Жон Коннор ролини ижро этган. Кейинчалик Ник ёқимли йигит қиёфасидан воз кечиб, «Гуноҳлар шаҳри»даги роли учун юзини жирканч ниқоб остига яширди ва томошабинлар эътирофига сазовор бўлди.

Энди Серкис

Актёр «Маймунлар сайёраси: Уруш» фильмида Цезарь, «Узуклар ҳукмдори»да Голлум, «Юлдузлар жанги»да олий раҳбар, «Нуфуз» фильмида Никола Тесла ёрдамчиси ролини маромига етказиб ижро этган.