Таниқли актёр ва айкидо устаси Стивен Сигал Каракас Венесуэла президенти Николас Мадуро билан учрашди, деб хабар беради «Korrespondent.net». Сигал Россия Ташқи ишлар вазирлигининг Россия—Америка гуманитар алоқа масалалари бўйича махсус вакили ҳисобланади.
Венесуэла ОАВларининг таъкидлашича, учрашув «боливариан тинчлик дипломатиясининг бир қисмига» айланган. Сигал совға сифатида мамлакат раҳбарига самурайлар қиличини тақдим этган.
Интернетда пайдо бўлган қисқа роликда Мадурo қуролни қўлига олиб, бир нечта ҳаракатларни амалга оширганини кўриш мумкин.
Stab at diplomacy: Steven Seagal presents Venezuela's Maduro with a sword - @AFP pic.twitter.com/gOWV0yuvDk
— Satish Cheney (@SatishCheney) May 5, 2021
Актёр Венесуэла раҳбарининг манёврларини кузата туриб, ундан қониқиш ҳосил қилган ҳолда бошини қимирлатиб турган, бироқ у бармоғини лезвияга яқинлаштирганда эҳтиёт бўлишини таъкидлаган.
Мадуро эса ўз навбатида Стивен Сигалга гитара совға қилган.
En el encuentro con el actor estadounidense Steven Seagal, tuvimos el honor de disfrutar de su faceta musical, a través de la guitarra. Un obsequio que entregamos con el cariño del pueblo venezolano. ¡Gracias por tu visita! pic.twitter.com/kHeIIOK9xy
— Nicolás Maduro (@NicolasMaduro) May 5, 2021
«Америкалик актёр билан учрашувда гитара ёрдамида унинг мусиқий маҳоратидан баҳраманд бўлиш насиб этди. Бу Венесуэла халқи номидан меҳр ила берилган совғадир. Ташриф учун раҳмат!», — дейилади Мадуронинг Twitter’даги саҳифасида.
Изоҳ (0)