2008 йил суратга олинган «Тангри яратган жуфтлик» фильмида Анушка Шарма ва Шоҳрух Хон ижроларига қойил қолмай илож йўқ. Ушбу фильм Хоннинг карьерасида нечанчидир муваффақиятли роли бўлган бўлиши мумкин. Аммо бир неча бор кастинглардан умидсиз қайтган Анушканинг илк дебюти ҳисобланади ва айнан шу картина актрисага Болливуд киносига эшик очган.
Бутун фильм сюжетини ташкил этувчи «Раққос жуфтлик» мотиви Раж Капур ва Наргис иштирокидаги «Ёмғирлар мавсуми» (Barsaat, 1949) фильмидаги машҳур саҳнадан сўнг пайдо бўлган.
Ушбу фильмга актриса Сонам Капур ҳам кўрикдан ўтган. Шунингдек, бош ролга Эша Деол ҳам даъвогарлардан бири бўлган. Аммо бош роль ёш ва умидли актриса Анушка Шармага насиб қилган.
«Phir Milenge Chalte Chalte» қўшиғи афсонавий Болливуд актёрлари Раж Капур, Дев Ананд, Ражеш Ханна, Шамми Капур ва Риши Капурга ҳурмат ва эҳтиром сифатида куйланган. Таронанинг ҳар бир банди актёрларнинг фильмлардаги қўшиқ номларидан иборат.
Картина Амитабх Баччан, Рекҳа, Шоший Капур ва Парвин Баби иштирокидаги «Оилавий бахт» мелодрамасидаги таронадан илҳомланган тарзда номланган.
Фильмдан ўрин олган «Halue Halue» таронаси учта дублда суратга олинган. Маҳоратли актёр Шоҳрух Хон қўшиқдаги рақс ҳаракатларига бир қанча ўзгартириш киритиб, импровизацияга йўл қўйган. Кейинчалик актёрнинг таъкидлашича, унга парик ва мўйлов тақиш ноқулайлик туғдирган бўлса-да, бу унинг карьерасида жуда осон тарзда суратга олинган тарона бўлиб қолган.
Изоҳ (0)