Дениел Редклифф «Гарри Поттер» фильмидан 110 миллион доллардан ортиқ гонорар олгани маълум бўлди

Интернетда «Гарри Поттер» фильмининг давоми чиқиши кутилаётган бир пайтда Дениел Редклифф фильмларнинг ҳар бир сериясидаги ижроси учун қанча гонорар олгани маълум бўлди. Бу ҳақда Peopletalk нашри хабар бермоқда.

Looper сайти ҳисоб-китобларига кўра, 2001 йилда «Ҳикматлар тоши»даги роли учун актёрга 1 миллион доллар тўланган, «Махфий ҳужра» фильмида эса унинг гонорари 3 миллион долларгача кўтарилган. Аммо даромадларининг ўсиши шу билан тўхтаб қолгани йўқ: «Азкабан маҳбуси» учун Редклифф 6 миллион доллар, «Аланга кубоги»даги ижроси учун 14 миллион доллар олган. Шунингдек, франшизанинг сўнгги учта фильми учун актёр гонорарларининг ҳар бири 25 миллион долларни ташкил қилган. Натижада Дениел Редклифф саккизта фильмда 110 миллион доллар ишлаб топган.

Бу жуда катта миқдордаги маблағ бўлишига қарамай, актёрга тегишли бойликнинг якуний миқдори эмас — ҳозирда франшиза театрлаштирилган постановка ва 10 та фильм, шу жумладан, 8 та оригинал «Гарри Поттер» фильмларидан дунё бўйича 8 миллиард доллар ишлаб топган, шубҳасиз, актёр бу даромаддан ҳам фоиз олади!

Энди яна Дениел Редклиффни экранларда кўриш бахтига муяссар бўлсак, «Гарри Поттер» фильмининг давоми чиқиши билан бу сумма қанчага кўпайишини тасаввур қилиб кўринг.

2016 йилда ўзбек актёри Отабек Маҳкамов Гарри Поттер ролини ижро этган Дэниэл Редклиффга атлас совға қилгани ҳақида хабар берилган эди.