«‘Лотин ёзувига асосланган ўзбек алифбосини жорий этиш тўғрисида’ги қонунга ўзгартиришлар киритиш ҳақида»ги қонун лойиҳаси 2021 йил 16 март куни жамоатчилик муҳокамаси учун эълон қилинган ва у 31 март куни якунланганди. Давлат тилини ривожлантириш департаменти матбуот хизмати ушбу ҳужжат муҳокамаси 2021 йил 1 ноябрга қадар давом эттирилишини маълум қилди.
Қайд этилишича, лотин ёзувига асосланган ўзбек алифбосига босқичма-босқич тўлиқ ўтишни таъминлаш бўйича Республика ишчи гуруҳи лотин ёзувига асосланган ўзбек алифбосини ҳар томонлама пухта, кенг жамоатчилик фикр-мулоҳазалари ва таклифларини чуқур ўрганган ҳолда такомиллаштириш мақсадида, шунингдек, мутахассисларнинг таклифларини инобатга олиб, шундай қарорга келган.
Эслатиб ўтамиз, ҳукумат қарори билан 2023 йил 1 январдан бошлаб барча ташкилотларда иш юритишда лотин ёзувига асосланган ўзбек алифбосига тўлиқ ўтилиши белгиланган. Бундан ташқари, марказий, маҳаллий босма ва электрон ОАВ, интернет сайтлари, нашриётлар, матбаа корхоналари фаолияти тўлиқ лотин ёзувига асосланган ўзбек алифбосига ўтказилади.
Лойиҳага кўра, Ўзбекистонда лотин ёзувига асосланган, қуйидаги 28 ҳарф ва 1 та ҳарфлар бирикмасидан иборат янги ўзбек алифбоси таклиф этилмоқда:
Янги алифбода ў, ғ ҳарфлари, шунингдек, ш, ч қўшҳарфларини қуйидагича ўзгартириш таклиф этилган:
- «Ғ, ғ» — «Ḡ, ḡ»
- «Ў, ў» — «Ō, ō»
- «Ш, ш» — «Ş, ş»
- «Ч, ч» — «Ç ç»
Ижтимоий тармоқларда алифбо ислоҳотини қўллаб-қувватлаш билан бирга, ислоҳотнинг молиявий юки, ўрта авлоднинг саводсиз бўлиб қолишидан ташвишланиб билдирилган фикрлар ҳам бор.
Мавзуга доир:
- Алифбо ислоҳоти қачон тугайди? Таклиф этилаётган янги ўзбек алифбоси борасида қарама-қарши фикрлар
- «Хатони тузатиш хатодан қимматга тушмаслиги керак». Тилшунос Бахтиёр Менглиев лотин алифбосидаги ислоҳотларга қарши чиқди
- «Лотин алифбосига ўтишга сиёсий мотивлар сабаб бўлган» — адлия вазири маслаҳатчиси Шаҳноза Соатова
- Муросанинг калити ечимда: алифбо ҳаммага қулай бўлсин!
Изоҳ (0)