Lotin yozuviga asoslangan o‘zbek alifbosi haqidagi qonun loyihasi muhokamasi muddati uzaytirildi

“‘Lotin yozuviga asoslangan o‘zbek alifbosini joriy etish to‘g‘risida’gi qonunga o‘zgartirishlar kiritish haqida”gi qonun loyihasi 2021-yil 16-mart kuni jamoatchilik muhokamasi uchun e’lon qilingan va u 31-mart kuni yakunlangandi. Davlat tilini rivojlantirish departamenti matbuot xizmati ushbu hujjat muhokamasi 2021-yil 1-noyabrga qadar davom ettirilishini ma’lum qildi.

Qayd etilishicha, lotin yozuviga asoslangan o‘zbek alifbosiga bosqichma-bosqich to‘liq o‘tishni ta’minlash bo‘yicha Respublika ishchi guruhi lotin yozuviga asoslangan o‘zbek alifbosini har tomonlama puxta, keng jamoatchilik fikr-mulohazalari va takliflarini chuqur o‘rgangan holda takomillashtirish maqsadida, shuningdek, mutaxassislarning takliflarini inobatga olib, shunday qarorga kelgan.

Eslatib o‘tamiz, hukumat qarori bilan 2023-yil 1-yanvardan boshlab barcha tashkilotlarda ish yuritishda lotin yozuviga asoslangan o‘zbek alifbosiga to‘liq o‘tilishi belgilangan. Bundan tashqari, markaziy, mahalliy bosma va elektron OAV, internet saytlari, nashriyotlar, matbaa korxonalari faoliyati to‘liq lotin yozuviga asoslangan o‘zbek alifbosiga o‘tkaziladi.

Loyihaga ko‘ra, O‘zbekistonda lotin yozuviga asoslangan, quyidagi 28 harf va 1 ta harflar birikmasidan iborat yangi o‘zbek alifbosi taklif etilmoqda:

Yangi alifboda o‘, g‘ harflari, shuningdek, sh, ch qo‘shharflarini quyidagicha o‘zgartirish taklif etilgan:

•  “G‘, g‘” — “Ḡ, ḡ”
• “O‘, o‘” — “Ō, ō”
• “Sh, sh” — “Ş, ş”
• “Ch, ch” — “Ç ç”

Ijtimoiy tarmoqlarda alifbo islohotini qo‘llab-quvvatlash bilan birga, islohotning moliyaviy yuki, o‘rta avlodning savodsiz bo‘lib qolishidan tashvishlanib bildirilgan fikrlar ham bor.