Ифторлик дастурхони учун гўштли расстегай тайёрлаймиз 

Хамири юмшоқ гўштли расстегай рус миллатининг анъанавий егулиги ҳисобланади. Аммо у дунёнинг турли бурчакларида бекажонлар томонидан маромига етказиб пиширилади. Шунингдек, ифторлик учун ёзиладиган дастурхоннинг ҳам кўрки бўлиши, шубҳасиз.

Керакли маҳсулотлар:

• сут — 100 мл;
• сув — 100 мл;
• хамиртуруш — 25 грамм;
• шакар — 2 ош қошиқ;
• ун — 550 грамм;
• туз — 1 чой қошиқ;
• сариёғ — 75 грамм;
• тухум — 2 та;
• ўсимлик ёғи — 3 ош қошиқ;

• пиёз — 2 та;
• ўсимлик ёғи — 1 ош қошиқ;
• қийма — 500 грамм;
• тухум — 1 дона;
• туз ва зираворлар.

1. Сут, сув, хамиртуруш, шакар ва 2 ош қошиқ ун яхшилаб аралаштирилади. Сочиқ билан ёпилиб, илиқ жойга 15—20 дақиқага қўйилади.
2. Қолган ун элакдан ўтказилади ва туз билан аралаштирилади. Сариёғ эритилиб, бир хил ҳолга келгунча тухум билан кўпиртирилади.
3. Опара, ун, тухумли аралашма ва ўсимлик ёғи аралаштирилади. Юмшоқ хамир қорилади.
4. Хамир катта шар шаклига келтирилиб, илиқ жойга 1 соатга қўйилади.
5. Пиёз тозаланади, майда тўғралиб, юмшагунга қадар 2—3 дақиқа ўсимлик йўгида қовурилади.
6. Пиёз устидан қийма, туз ва зираворлар таъбга кўра солинади. 7—8 дақиқа давомида қовурилиб, сўнгра совутишга қўйилади.
7. Бу вақтда печ 180 даражада қиздирилади.
8. Хамир 10—12 қисмга бўлинади. Улар 12—15 сантиметр катталикда ёйилади.
9. Хамир ўртасига начинкалар қўйилиб, икки томондан хамир чети бирлаштирилади ва хамир маркази бир оз очиқ қолдирилади.
10. Тухум сариғи бир оз туз билан аралаштирилади ва пишириш варағига терилган расстегайлар юзасига суриб чиқилади. Таъбга кўра кунжут ҳам сепиш мумкин.
11. Гўштли расстегайлар қиздирилган печга 20—25 дақиқага қўйилади. Юзаси қизаргач дастурхонга тортилади.