Айни вақтда болалар учун энага ёллаш одатий ҳолга айланган. Айниқса, бу таниқли шахслар орасида кўп учрайди. Чунки улар карьера туфайли ҳам туғруқдан кейин танаффус қилмайди. Шундай бўлмасин, фарзандининг тарбиясини биринчи ўринга қўйиб, энагаларсиз уларга ўзи ғамхўрлик қилаётган юлдузлар ҳам талайгина.
Мила Кунис ва Эштон Кутчер
Юлдузли жуфтлик бир қиз ва ўғилни тарбия қилмоқда. Улар фарзандларига ўзи ғамхўрлик қилишга қарор қилган. Уларни тез-тез ўйингоҳлар, савдо маркази ва хиёбонларда сайр қилаётганини кўриш мумкин.
Шунингдек, Мила фарзандларини она сути билан боқди ва унинг сўзларига кўра, бу уни бахтли ҳам қилган. Мила энг замонавий актриса бўлиб, қизил йўлакда батамом бошқа аёлга айланади. Уйда эса қулай кийимларни кийиб, фарзандлари билан вақт ўтказадиган меҳрибон онадир.
Блейк Лайвли ва Райан Рейнолдс
Машҳур жуфтлик ҳам уч қизни тарбияламоқда. Улар учун болалари билан кўпроқ вақт ўтказиш муҳимдир. Шунингдек, жуфтлик бир вақтда ишга кетмайди. Фарзандлари билан ота ёки она бирга қолиши керак.
Блейк ҳамиша оиласининг катта бўлишини, имкони бўлса 30 та фарзанд кўришни орзу қилган. Райан эса чиндан ҳам меҳрибон дада. У кечаси қизидан хабар олиш учун 5 марта уйғонишини ҳам тан олган. Гарчи чарчаган бўлса-да, бундай ширин ташвишлардан қочмайди.
Риз Уизерспун
Риз Узерспун ва Райан Филипп ажрашган бўлса-да, улар фарзандига ғамхўрлик борасида ортга чекинмайди. Шундай бўлса-да, фарзандларини энага топширишдан бош тортган. Ризга аввалги турмушидаги фарзандлари доимо ёрдам беради.
«Она бўлиш ҳаётимдаги энг асосий бахтдан бири. Чиндан ҳам уч фарзандимдан кўп нарсани ўргандим. Сабр-тоқат, меҳр-оқибат, камтарлик, ижодкорлик. Мен болаларимни ҳаммадан ҳам кўпроқ яхши кўраман. Буни фарзандли бўлгачгина тушуниш мумкин. Мен сизларнинг онангиз эканлигимдан миннатдорман», – дейди актриса.
Женнифер Лопес
Марк Энтони ва Женнифер Лопеснинг эгизаклари дунёга келганида, жуфтлик фарзандларига ғамхўрлик қилишда энагадан фойдаланмасликка қарор қилган. Улар ўз ишларидан навбатма-навбат фарзандлари учун вақт ажратар эди. Жуфтлик ажрашганидан сўнг, Женниферга унинг онаси ва яқинлари ёрдам берган. Турмуш ўртоғи билан ажрашгач, Жени ўғли учун устоз ёллашга қарор қилган. Чунки ўғли ҳамиша аёллар қуршовида бўлиб, унга ҳақиқий эркак кишининг тарбияси керак эди.
Женнифер Лав Хюитт
Актрисанинг қизи 1,5 ёшда эканлигида у иккинчи фарзандига ҳам ҳомиладор эди. У интервьюларининг бирида, ҳеч қачон фарзандларини энагага топширмаслигини маълум қилган. Женнифер ҳам оддий аёллар каби барчасини ўзи амалга оширишини ёқтиради. Шунингдек, ҳаётидаги барча нарсалар билан фарзандлар тарбиясини таққослаб, ҳаммаси иккичи ўринда эканини англаб етган. Гарчи фарзанд тарбияси осон иш бўлмаса-да, у ҳамиша бахтли. Ҳаттоки Instagram саҳифасида: «Энг яхши нарса – бу турмуш қуриш, фарзандли бўлиш ва уларнинг кун сайин ўзгаришини кўришдир», – деб ёзган.
Селин Дион
Хонанданинг уч ўғли бор. Унга дастлаб фарзанд кўра олмаслик ташхиси қўйилган эди. Лекин тиббий йўл орқали буни амалга оширди. «Мен ҳам фарзанд кўриб, уларни тарбия қилишни хоҳлар эдим. Балки бугун уларсиз бўлишим мумкин эди, шунинг учун имкон қадар улар билан кўп вақт бирга бўламан», – дейди Селин. Селин ҳеч қачон энага ҳақида ўйламаган. Унга ҳамиша онаси ва синглиси кўмаклашиб турган.
Ева Мендес ва Райан Гослинг
Жуфтликнинг икки нафар фарзанди бор. Ева уларни тарбиялашда энагага мурожаат қилмаган. Қанчалар чарчаган бўлса ҳам, уларни бошқа бировга ишониб топшира олмайди. Шунингдек, оилавий суратларини Instagram саҳифасига жойлаб боради.
Жессика Альба
Жессика оиласига фарзандларига ғамхўрлик қилишда ёрдам бергани учун пул тўлайди. Чунки уч нафар қизига қараш қийин ва актрисанинг ўзи ҳам бу борадан толиқиб қолади. Аммо у учинчи фарзандини дунёга келтиргач, анча ўзгарган ҳамда тажрибаси ошган.
Скарлетт Йоханссон
Юлдуз ҳам бир вақтлар бола тарбиясини энагага топширишни хоҳламаган. Аммо қизи туғилгач кўп нарсани тушуниб етган. Масалан, болалар куни билан катталар олдида бўлганидан кўра, тенгдошлари билан яхши вақт ўтказади. Шунда ҳам актриса фарзандига бошқа бир инсон ғамхўрлик қилишини тасаввур қила олмайди.
Сара Жессика Паркер
Актриса уч фарзанднинг онаси. Гарчи улар бир мунтазам яшайдиган энага бўлмаса-да, вақти-вақти билан бунга муҳтожлик сезади. Буни актрисанинг ўзи ҳам тан олади.
Актриса болаларига ғамхўрлик қилиш, эрта тонгда уларга нонушта тайёрлаш, қизиқишларини ўрганиш, биргаликда ўйинчоқ ўйнашга ҳаракат қилади. Шунингдек, фарзандларини илк қадамини кўриш, илк сўзларини эшитиш бахтидан мосуво бўлиб қолмасликка уринади. Камчиликлари бўлса-да, яхши она бўлишга бутун ҳаётини бағишлайди.
Изоҳ (0)