Юлдузлар нафақат ижоди билан балки қаҳрамонона ҳаракатлари билан ҳам одамларнинг қалбидан ўрин олиши мумкин.
Женнифер Лоуренс
Уйининг олдидаги ўт устида ҳушсиз ётган одамга кўзи тушган актриса зудлик билан тез ёрдамга мурожаат қилган. Тиббиёт ходимлари етиб келмагунича у қиздан бир қадам ҳам жилмаган. Мутахассисларга қизга ёрдам берган, қизнинг ота-онаси эса унинг ҳаётини сақлаб қолгани учун юлдузга миннатдорчилик билдирган.
Деми Мур
Голливуд юлдузи бегона аёлни ўз жонига қасд қилишидан тўхтатиб қолган. Мухлисларидан бири Twitter’дан унга тақдири оғирлигидан шикоят қилиб, ўз жонига қасд қилмоқчилигини ёзиб қолдирган. Хавотирланган Деми полиция идорасига мурожаат қилган. Унинг хатти-ҳаракати билан аёлнинг манзилини топиш ва унга ўз вақтида психологик ёрдам кўрсатишга муваффақ бўлинган. У вақтдаги турмуш ўртоғи Эштон Катчер рафиқасининг бу ҳаракатидан ғурур ҳиссини туйган ва бу ҳақида ижтимоий тармоқ фойдаланувчилари билан бўлишган.
Рианна
Хонанда америкалик аёлнинг саратонни енгишига ёрдам берган. Икки нафар фарзанди бор аёлнинг ҳикояси унинг эътиборидан четда қолмаган. Мия операцияси учун аёлда 5 ҳафта вақт қолган, бунинг учун эса донор топиши керак бўлган. Рианна мазкур муаммога эътибор қаратганидан кейин тўғри келадиган номзод бир зумда топилган. «У ҳаётимни сақлаб қолди. Фарзандларимнинг онаси, турмуш ўртоғим эса рафиқаси билан қолади, ота-онам эса қизини йўқотмайди», — деб миннатдорлик билдирган аёл.
Мила Кунис
Миланинг уйини таъмир қилаётган эркакда хуруж кузатилган. Ишчи унинг кўз ўнгида ҳушини йўқотган. Кунис тиббиёт ходимлари етиб келгунича биринчи ёрдам кўрсатишга муваффақ бўлган. Эркакни ёнбоши билан ётқизган ва бошини ушлаб турган. Нафас олмай қолмаслиги учун эса ёнидаги ҳамённи унинг тили устига қўйган.
Изоҳ (0)