Samsung Electronics компанияси ўтган йилги Galaxy S20 ва Galaxy Note20 сериясидаги флагманлар учун янгиланган операцион тизимни тарқатишни бошлади, деб хабар беради IXBT.
Samsung компанияси янги Galaxy S21 флагмани билан кўплаб камералар имкониятини тақдим этганига қарамай, ўтган йилги смартфонлар учун янгиланган операцион тизимнинг қизиқарли функцияси барибир Galaxy S21’га тегишли. Гап Directоr’s View (режиссёр режими) ҳақида кетмоқда. Ушбу режим ёрдамида камералар алмашинуви динамиклигини таъминлаган ҳолда турли бурчаклар остида видео тасвирга олиш мумкин.
Янги апдейтда Galaxy S20 , S20+, S20 Ultra, Note20 ва Note20 Ultrа’га суратга олишнинг Director’s View’нинг қисқартирилган версиясига ўхшаш Dual Recording функцияси қўшилган. Мазкур режим видеони фронтал ва асосий камерадан бир вақтнинг ўзида олиш имконини беради. Суратга олиш вақтида иккала видеооқимни ҳам кузатиш мумкин.
Шунингдек, апдейт орқали 2021 йилнинг май ойи учун Android’нинг хавфсизлик тизими янгиланади.
Изоҳ (0)