Oppo компанияси 6 май кунига режалаштирилган тақдимоти доирасида янги смартфонлар, К9 сериясига кирувчи телевизорлар, шунингдек, Enco Air симсиз наушникларини тақдим этади, деб хабар беради IXBT.
Маълум қилинишича, ушбу мустақил модель тезкор қувватланиш технологиясига эга бўлади — 10 дақиқа давомида электр тармоғига уланган наушник ёрдами 8 соат мусиқа тинглаш мумкин.
Шунингдек, мазкур гаджет Bluetooth 5.2 интерфейсини қўллаб-қувватлаши айтилмоқда, аммо фаол шовқин сўндиргичлари бўлиш-бўлмаслиги ҳозирча номаълум. Дизайн борасида Enco Air ўзига хосликка эга эмас, қувватлантириш футляри анъанавий кўринишда ишланган.
Наушник бир неча хил рангда тақдим этилади — классик оқ ва қорадан ташқари, комбинацияланган ранглар ҳам бўлади.
Аввалроқ Apple AirPods 3 наушникларининг сурати тақдимотдан олдин интернетда тарқалиб кетгани тўғрисида хабар берилганди.
Изоҳ (0)