Samsung Galaxy S20 va Note20 xuddi Galaxy S21’dagi kabi yangi suratga olish funksiyasiga ega bo‘ldi

Samsung Electronics kompaniyasi o‘tgan yilgi Galaxy S20 va Galaxy Note20 seriyasidagi flagmanlar uchun yangilangan operatsion tizimni tarqatishni boshladi, deb xabar beradi IXBT.

Samsung kompaniyasi yangi Galaxy S21 flagmani bilan ko‘plab kameralar imkoniyatini taqdim etganiga qaramay, o‘tgan yilgi smartfonlar uchun yangilangan operatsion tizimning qiziqarli funksiyasi baribir Galaxy S21’ga tegishli. Gap Director’s View (rejissor rejimi) haqida ketmoqda. Ushbu rejim yordamida kameralar almashinuvi dinamikligini ta’minlagan holda turli burchaklar ostida video tasvirga olish mumkin.

Yangi apdeytda Galaxy S20, S20+, S20 Ultra, Note20 va Note20 Ultra’ga suratga olishning Director’s View’ning qisqartirilgan versiyasiga o‘xshash Dual Recording funksiyasi qo‘shilgan. Mazkur rejim videoni frontal va asosiy kameradan bir vaqtning o‘zida olish imkonini beradi. Suratga olish vaqtida ikkala videooqimni ham kuzatish mumkin.

Shuningdek, apdeyt orqali 2021-yilning may oyi uchun Android’ning xavfsizlik tizimi yangilanadi.