Apple компанияси 2021 йилнинг иккинчи молиявий чорагига оид ҳисоботини эълон қилди, деб хабар беради Hi-Tech.Mail.ru.
Ўтган давр мобайнида компания 89,6 миллиард доллар даромад кўрган — бу 2020 йилнинг мос даврига нисбатан 54 фоизга кўп демак. Шунингдек, соф фойда қарийб икки баробарга ошган — 23,6 миллиард доллар (ўтган йили 11,2 миллиард доллар).
Савдолар Apple’нинг барча йўналишларида ошган. Эслатиб ўтамиз, компания қанча қурилмаси сотилганини эмас, балки даромад ва фойдасини эълон қилиб келади.
Apple’нинг даромади йўналишлар бўйича:
- iPhone — 47,9 миллиард доллар (2020 йилнинг мос чорагига нисбатан +65 фоиз);
- Маc — 9,1 миллиард доллар (+70 фоиз);
- iPad — 7,8 миллиард доллар (+79 фоиз);
- Наушник ва аксессуарлар — 7,8 миллиард доллар (+24 фоиз);
- Сервислар — 16,9 миллиард доллар (+26 фоиз).
Изоҳ (0)