Бир вақтнинг ўзида хитойлик икки инсайдер Samsung компанияси яқин кунларда 200 мегапикселли мобил сенсорни тақдим этиши ва у 2022 йилда сотувга чиқадиган Galaxy S22 флагманларига ўрнатилишини маълум қилди, деб ёзади Hi-Tech.Mail.ru.
Мобил камераларни ишлаб чиқарувчиларда сенсор ўлчамини оширишнинг икки йўли бор — пикселлар ўлчамини катталаштириш ёки уларнинг сонини ошириш. Samsung ҳозирча бошқа Android-смартфонлар ишлаб чиқарувчилар каби иккинчи йўлдан кетмоқда. Иккала ҳолатда ҳам асосий мақсад — кўпроқ ёруғлик тушиши ва сифатли тасвир пайдо бўлишида катта ўлчамдаги сенсорни қўлга киритиш.
Миш-мишларга кўра, 200 мегапикселли Samsung камераси 0,64 микрометрли пикселларга эга бўлади — бу Galaxy S21 Ultra’даги 108 мегапикселли камераникидан 0,8 микрометрга кичик демак. Сенсор деярли икки баробар оширилиши ҳисобига янги камеранинг ўлчами 15 фоизга катталашади.
Кичик ўлчамдаги пикселларнинг 4 ёки 8 тасини бирлаштириш имконини берадиган технология мавжуд, яъни юқори тиниқлик ва яхши ёритилган тасвирни 25 ёки 40 мегапикселлада ҳам олиш мумкин.
Замонавий смартфонлар бу каби ечимдан фойдалана олади — Galaxy S21’даги Exynos 2100 чипининг ўтказиш қобилияти 200 мегапикселли камерада олинган тасвирни қайта ишлашга етади. Тез орада янги авлод процессорлари бу каби суратларни янада тезроқ қайта ишлашни ўрганиб олади.
Аввалроқ ечиладиган аккумуляторга эга «ўлмайдиган» смартфон — Samsung Galaxy ХCover5 тақдим этилгани, сув ўтказмайдиган Samsung Galaxy А52 5G сотувга чиққани тўғрисида хабар берилганди.
Изоҳ (0)