YouTube’даги «Гараж 54» каналининг новосибирсклик блогерлари жуда катта айланишлар тезлигида «Жигули»нинг покришкаси билан нима содир бўлишини текширишга қарор қилди. Махсус конструкция ва тахометр ёрдамида улар ғилдиракни соатига 620 километр тезликда айлантиришга муваффақ бўлган, деб ёзади Motor.
Ҳар бир резинага ундан фойдаланиш мумкин бўлган максимал юкланиш ва тезлик индекси туширилган. Бироқ ғилдираклар ишлаб чиқарувчи ҳисобга олмаган даражада тезликда айлантирилса, нима бўлади? Россиялик блогерлар айнан шунга жавоб топиш илинжида тажриба ўтказган.
Мутахассислар аввалига ғилдирак соатига 50 километр тезлик вақтида дақиқасига 450 марта айланишини ҳисоблаб чиққан. Шундан сўнг блогерлар қўлда «Жигули»нинг орқа ғилдиракларидан бирини тўхтатган ва битта ғилдиракдаги юклама 960 та айланишга етишини аниқлаган.
Блогерлар ғилдиракни максимал даражада айлантириш мақсадида иккита ярим йиғилган «Жигули» ўртасида синов стендини қурган. Мутахассислар конструкция ёрдамида узатмалар қутисининг тўртинчи босқичида ғилдиракни дақиқасига 4200 мартагача айлантирган, бу соатига 400 километр тезлик демак. Кучли шамол сабаб тахометрни учириб юборган, шу сабабли тажриба тўхтатилган.
Синовнинг финал қисмида мутахассислар тахометрни мустаҳкам ўрнатиб, дақиқасига 5384 айлантиришга эришган. Шу орқали блогерлар ғилдиракни соатига 550 километр тезликда айлантиришга муваффақ бўлган, шундан сўнг икки килограммли босим остида покришка том маънода дискадан сирпаниб кетган.
Бироқ блогерлар тажрибани охирига етказишга қарор қилган. Мутахассислар покришкани беш килограммли ҳаво босими билан тўлдирган ва уни дақиқасига 6200 та айлантиришга чиқарган — бу соатига 620 километр тезлик демак.
Мавзуга доир:
Изоҳ (0)