Тошкент шаҳрининг Юнусобод туманида Lacetti иштирокида содир бўлган йўл-транспорт ҳодисаси оқибатида ҳайдовчи вафот этди, деб хабар беради ИИББ ахборот хизмати.
Маълум қилинишича, 29 апрель куни соат 00:10 ларда туманнинг Амир Темур кўчасида Ж.Р. исмли 25 ёшли Lacetti ҳайдовчиси автомобилда ҳаракатланаётиб, ушбу кўчада жойлашган 107-уй рўпарасига етган вақтида бошқарувни йўқотган ва йўлдан чиқиб кетиб дарахтга урилган.
Ҳайдовчи авария вақтида олган тан жароҳатлари оқибатида воқеа жойида вафот этган.
Мазкур ЙТҲ юзасидан Тошкент шаҳар ИИББ Тергов бўлими томонидан терговга қадар дастлабки суриштирув ҳаракатлари олиб борилмоқда.
Аввалроқ Тошкентда тўртта автомобиль иштирокида ЙТҲ юз бергани, Сергелида Isuzu билан тўқнашган Damas ағдарилиб кетгани, Тошкентда ҳайдовчилик гувоҳномаси бўлмаган 17 ёшли йигит бошқарувидаги Nexia юк автомобилига урилгани тўғрисида хабар берилганди.
Изоҳ (0)