Фарғона вилоятининг Данғара туманида Damas ва велосипед иштирокида йўл-транспорт ҳодисаси содир бўлди. Бу ҳақда «Дарё»га вилоят ИИБ ахборот хизмати хабар берди.
Маълум қилинишича, 2021 йилнинг 25 апрель куни фуқаро Т.Б. бошқарувидаги Damas русумли автомашинаси Қум қишлоғида кетаётиб, қатнов қисмини велосипедда кесиб ўтаётган А.О.ни уриб юборган. Оқибатда А.О. тан жароҳати олиб, ҳодиса жойида вафот этган.
Ҳолат юзасидан Данғара туман ИИБ ҳузуридаги тергов бўлинмаси томонидан Жиноят кодексининг 266-моддаси 2-қисми (транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган.
Айни пайтда тергов ҳаракатлари давом этмоқда.
Эслатиб ўтамиз, аввалроқ Наманганда велосипедчини уриб, воқеа жойидан кетиб қолган Киа ҳайдовчиси ушлангани, Тошкентда эса тўртта автомобиль иштирокида ЙТҲ юз бергани хабар берилганди.
Изоҳ (0)