Ижтимоий тармоқларда 2021 йил 23 апрель куни бир гуруҳ шахсларнинг катта йўлни тўсиб қўйиб ўз автомашиналарида турли манёврларни бажаргани акс этган видеолавҳа тарқалди. Воқеадан иштирок этган ҳайдовчилар аниқланди, дея хабар бермоқда ЙҲХББ.
Тошкент вилояти ИИББ ЙҲХБ томонидан олиб борилган суриштирув ишлари натижасида мазкур ҳолат Бўстонлиқ тумани ҳудудида содир бўлгани, у ерда бир гуруҳ ҳамкасб ёшлар ўз автомобилларида давлат рақамларини беркитиб, дрифт-шоу уюштиргани аниқланган.
Шунингдек, қоидабузар ҳайдовчиларнинг шахсига ҳам аниқлик киритилиб, уларнинг Тошкент шаҳрида яшовчи 1999 йил ва 1995 йилда туғилган фуқаролар экани аниқланди.
Ушбу ҳайдовчиларга нисбатан Маъмурий жиноят тўғрисидаги кодекснинг 125 (транспорт воситаларидан фойдаланиш қоидаларини бузиш) ва 128-моддалари (ҳайдовчиларнинг транспорт воситаларини пиёдалар йўлкаларидан юргизиши, йўл белгилари ва йўл ҳаракатининг бошқа қоидалари талабларига риоя этмаслиги) асосида белгиланган тартибда маъмурий баённомалар расмийлаштирилган ва транспорт воситалари вақтинчалик сақлаш учун жарима майдончасига жойлаштирилган.
Бундан аввал Наманганда велосипедчини уриб, воқеа жойидан кетиб қолган Kia ҳайдовчиси ушлангани, Самарқандда ЙПХ инспекторлари фуқарони куч ишлатиб, хизмат машинасида олиб кетгани акс этган видео бўйича расмий изоҳ берилгани ҳамда Сирдарёда ЙПХ ходимини «ишдан қуритиб юбормоқчи» бўлган ҳайдовчига нисбатан чора кўрилгани ҳақида хабар берилмоқда.
Изоҳ (0)