Disney Imagineering Project лойиҳаси фильмларда суратга туша оладиган ёки турли боғларда ташриф буюрувчилар кўнглини хушнуд этишга мўлжалланган қаҳрамонларни яратишни бошлади, деб хабар беради IXBT.
2018 йилда бошланган лойиҳанинг мақсади маълум бир персонаж ролини ижро этишга қодир икки оёқли мобил роботни яратишдан иборат.
Ихтирочилар жамоаси ўзларининг биринчи роботига Marcel Comics комикслар компанияси томонидан суратга олинган «Галактика қўриқчилари» фильмидаги кичкинтой Грутнинг ташқи кўринишини беришга қарор қилди. Натижада кичкина ва улғайган Грут орасидаги персонаж юзага келган.
Шунингдек, лойиҳа доирасида тақдим этилган роликда икки оёқли робот худди фильмлардаги персонаж каби ҳаракатланганини кўриш мумкин. Роботни дастурлаш учун унга ингичка кабел уланган бўлиб, бу унинг янада эркин ҳаракатланишини таъминлайди.
«Анимациялар жамланмаси, шунингдек, мимикалари сабаб баъзан бу робот эмас, балки уч ўлчамли моделлаштириш дастури орқали яратилган ҳақиқий персонажга ўхшайди», — дейилади хабарда.
Изоҳ (0)