YouTube’даги Crazy XYZ каналининг блогерлари профессионал суратга олиш ишларида керак бўладиган ёруғлик диодли лампалардан фойдаланиб, Hyundai автомобилини қайта жиҳозлади.
Канал муаллифлари тўғридан-тўғри трансляция ишларида фойдаланиладиган иккита SL20011 5600К профессионал ёритгичларини ижарага олган. Режа бўйича ушбу фараларни Hyundai’га ўрнатиб, атрофдаги барчани «кўр қилиб қўйиш» бўлган.
Фонарларнинг ҳар бири индивидуал ярим шаффоф соябонларга эга. Одатда ушбу соябонлардан ёруғликни тарқатишда фойдаланилади, аммо бу сафар улар ёруғликни кўпроқ йўналтириш учун керак бўлган.
Дастлабки синов натижаларига кўра, фаралар иш берган ва жуда кучли ёруғлик тарқатган.
Аввалроқ украиналик блогерлар Opel Manta’нинг двигателига мотор мойи ўрнига оддий кола қуйилса нима содир бўлишини текшириб кўрганди.
Изоҳ (0)