Наманганда 6 ёшли бола «Жигули» («ВАЗ-2106») уриб юбориши оқибатида вафот этди. Бу ҳақда вилоят ИИБ матбуот хизмати хабар берди.
Воқеа 25 апрель куни соат 15:30 ларда шаҳарнинг «Олвализор» МФЙ Марғилон кўчасида юз берган. «Жигули»ни бошқариб кетаётган ҳайдовчи ҳаракат хавфсизлигини таъминлай олмай, тўсатдан йўлга югуриб чиққан 2015 йилда туғилган болани уриб юборган.
Оқибатда 6 ёшли бола олган тан жароҳати оқибатида шифохонада вафот этган.
Ҳолат юзасидан Наманган шаҳар ИИО ФМБ ҳузуридаги ТБ томонидан Жиноят кодексининг 266-моддаси 2-қисми (транспорт воситалари ҳаракати ёки улардан фойдаланиш хавфсизлиги қоидаларини бузиш одамлар ўлимига сабаб бўлиши) билан жиноят иши қўзғатилган.
Аввалроқ Наманганда «Жигули» уриб кетиши оқибатида 3 ёшли бола, Damas уриб юбориши оқибатида 8 ёшли бола, Nexia уриб юбориши оқибатида 5 ёшли қизча шифохонада вафот этгани ҳақида хабар берилган эди. Шунингдек, Наманганда велосипедчини уриб, воқеа жойидан кетиб қолган Кiа ҳайдовчиси ушлангани маълум қилинганди.
Изоҳ (0)