2021 йилнинг 21 май — 1 июнь кунлари Ҳиндистоннинг Ню-Дели шаҳрида ўтказилиши режалаштирилган бокс бўйича катталар ўртасидаги Осиё чемпионати БААга кўчирилди. Бу ҳақда Ўзбекистон бокс федерацияси матбуот хизмати маълум қилди.
Ҳиндистонда коронавирус билан боғлиқ юзага келган оғир вазият сабаб Осиё бокс конфедерацияси шу қарорга келган. Эндиликда ушбу мусобақа БААнинг Дубай шаҳрида бўлиб ўтади.
Маълумот учун, Осиё чемпионати эркаклар ўртасида 10 та, аёллар ўртасида 10 та вазн тоифаси бўйича ташкил этилади.
Эслатиб ўтамиз, 2019 йилги Осиё чемпионати Таиландда ўтказилган бўлса, 2017 йилги мусобақага Ўзбекистон мезбонлик қилганди. Аввалги ҳар икки мусобақада Ўзбекистон терма жамоаси умумжамоа ҳисобида биринчи ўринни қўлга киритган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)