Томас Тухель «Челси» билан топ-мураббийларга қарши 7 та ўйин ўтказиб, уларнинг бирортасида ютқазмади

«Челси» Европа Чемпионлар Лигаси ярим финал дастлабки баҳс доирасида кечган 27 апрель кунги учрашувда «Реал» билан дуранг ўйнади (1:1).

Лондонликлар Томас Тухель қўл остида топ-мураббийларга қарши баҳслардаги мағлубиятсиз серияни 7 та ўйинга етказди.

«Челси» Премьер Лигада Жозе Моуриньонинг «Тоттенҳэм»ини (1:0), Юрген Клоппнинг «Ливерпуль»ини (1:0), Карло Анчелоттининг «Эвертон»ини (2:0), Англия Кубоги ярим финалида эса Пеп Гвардиоланинг «Манчестер Сити»сини (1:0) мағлуб этганди.

Чемпионлар Лигаси 1/8 финалида эса «Челси» Диего Симеоне қўл остидаги «Атлетико»ни икки ўйинда ҳам (1:0, 2:0) таслим этган бўлса, ярим финалнинг дастлабки баҳсида Зинедин Зидан жамоаси билан дуранг ўйнади.

Қайд этиш жоиз, Тухель Зидан Чемпионлар Лигасида мағлуб эта олмаган уч мураббийдан бири ҳисобланади. Бу ўйинга қадар улар ЕЧЛда 4 бор тўқнаш келган, улардан бирида Тухель ғалаба қозонган бўлса, қолган учтаси дуранг билан якун топганди.

Тухель «Челси»ни январь ойининг охирида қабул қилиб олганди.