Осиё Чемпионлар Лигаси гуруҳ босқичи 5-тури доирасида бўлиб ўтадиган ОКМК — «Ал-Ҳилол» беллашувидан аввал матбуот анжумани ўтказилди. Унда Олмалиқ клуби бош мураббийи Миржалол Қосимов ва ҳужумчи Зафар Полвонов иштирок этди.
Авваламбор, ассалому алайкум. Эртанги ўйин жуда ҳам муҳим. Қолаверса гуруҳдаги тўртта жамоада ҳам имконият бор. Барча жамоада биринчи ўринга чиқиб олиш учун имконият мавжуд. Танганинг иккинчи тарафи, эртанги баҳсда очко йўқотилиши мусобақадаги имкониятларни йўққа чиқаради. Биз охиригача ҳаракат қилиб, имкониятдан фойдаланишга интиламиз. «Ал-Ҳилол» билан учрашувда натижа учун курашамиз.Шунингдек, Олмалиқ клуби ҳужумчиси Зафар Полвонов ҳам ўз фикрлари билан ўртоқлашди.Биринчи даврадаги ўйин ОКМКга устунлик бермаслиги ва жисмоний толиқиш ҳақида
«Ал-Ҳилол» — жуда ҳам кучли жамоа. Лекин охирги турда улар «Истиқлол»га ютқазди. Умуман футболда мағлуб бўлмайдиган жамоа йўқ. «Ал-Ҳилол»ни ўрганиб чиқдик, таркибдаги барча футболчилар сафда. Эртага, албатта, яхши натижа учун ўйнаб, мухлисларни хурсанд этишга ҳаракат қиламиз. Футбол шунақа нарсаки, унда кимдир хато қилади ва бошқа фойдаланиб кетади. Оддий бир кичик элементар хато ўйин тақдирини ўзгартириб юбориши мумкин. Имкон қадар камроқ хато қилиб, имкониятдан максимал фойдаланиш лозим. Ўйлайманки, эртага жуда ҳам қизиқарли ўйин бўлади. Тўғри, кетма-кет бешинчи ўйин. Балки жисмоний толиқиш сезилиши мумкин. Жамоада ротациялар ҳам қилинади.
Матбуотда «Ал-Ҳилол»нинг кўп танқид қилинаётгани ҳақида
«Ал-Ҳилол» Осиёнинг энг кучли жамоаларидан бири ҳисобланади. Футболда ҳеч ким мағлубиятлардан суғурталанмаган. «Истиқлол» «Ал-Ҳилол» билан ўйинда жуда ҳам яхши ҳимояланди ва қарши ҳужумда ўйнаб, вазиятлардан фойдаланди. «Истиқлол»га тасанно. Мазкур ўйинни кўриб чиқдик. Аввал таъкидлаганимдек, «Истиқлол» ҳимоясини ёриб ўтиш жуда мушкул. «Ал-Ҳилол» ҳам бунга қийналди ва эътиборни ҳужумга қаратган ҳолда ҳимояни эсдан чиқариб, қарши ҳужумларни ўтказиб юборди. Футболда бундай ҳолатлар учраб туради. Шуниси билан ҳам қизиқ футбол.
«Ал-Ҳилол»га қарши ўйинда очиқ футбол бўлмаслиги ҳақида
«Ал-Ҳилол» билан очиқ футбол ўйнаб бўлмайди. Чунки рақиб жуда кучли жамоа ва юқори даражадаги ижрочи футболчиларга эга.
Миржалол Қосимов, ОКМК бош мураббийи
Ҳаммага ассалому алайкум. Эртанги баҳсда фақат ва фақат ғалаба бизни қаноатлантиради. Ортга йўл йўқ. Иншооллоҳ ғалаба учун майдонга чиқамиз.Жамоаларнинг биринчи давра доирасида ўтказилган ўйинида 2:2 ҳисобидаги дуранг қайд этилганди. Эслатиб ўтамиз, ОКМК — «Ал-Ҳилол» учрашуви 26 апрель куни Тошкент вақти билан 00:00 да бошланади.Зафар Полвонов, ОКМК ҳужумчиси
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)