Британиянинг Car and Classic аукционида 1969 йилда ишлаб чиқарилган «Запорожец» сотувга қўйилди. Ҳақиқий «вақт капсуласи» бўлган автомобиль деярли йўл босмаган, деб ёзади CARakoom.
Эълонда таъкидланишича, «Запорожец» сўнгги 30 йил ичида фақат гаражда сақланган. Охирги маротаба 1987 йилда ҳаракатланиб, сўнгги бор техник кўрикдан ўтказилган. 52 йиллик ноёб машинанинг одометрига кўра, машина 144 километр йўл босган.
Узоқ вақт ҳаракатсиз турганига қарамай, автомобиль ажойиб ҳолатда бўлиб, фақатгина салонидаги қурилмалар панелида қалин чангни учратиш мумкин. Бироқ энг муҳими машинадаги эҳтиёт қисмларининг барчаси оригинал.
Сотувчининг сўзларига кўра, «Запорожец» экспорт вариант ҳисобланади — у Чехияда йиғилган. Ҳозирда у Латвияда сақланмоқда. Сотувчи автомобилга қўшиб унинг барча зарурий ҳужжатларини тақдим этишга тайёр. Ноёб автомобиль 8 минг фунтга (11,1 минг доллар) баҳоланмоқда.
Аввалроқ Украинада пайвандлаб ташланган гараждан мутлақо янги «Запорожец» топилгани тўғрисида хабар берилганди.
Изоҳ (0)