Россияда Путинники каби зирҳланган Aurus Senat сотилмоқда (фото)
«Auto.ru» сайтида Россияда ишлаб чиқарилган зирҳланган ва индивидуал жамланмага эга иккита Aurus Senat лимузини сотувга қўйилгани тўғрисида эълон пайдо бўлди. Россия президенти Владимир Путин ҳаракатланадиган автомобилларнинг ҳар бирини марканинг расмий дилери 106,9 миллион рублга (салкам 1,5 миллион доллар) баҳолаган, деб хабар беради CARakoom.
Автомобиль Senat седанидан бир метрга узунроқ (6,6 метр) ва етарли даражада ҳайбатли. Ғилдираклар базаси ҳам бир метрга катта. Шу билан бирга, салон тўрт кишиликлигича қолган — орқа ўриндиқлар учун максимал даражада кенг макон мавжуд. Бундан ташқари, улар ҳайдовчидан ношаффоф ойна билан ажратилган.
Senat’нинг ўзига хослиги — VR10 класси бўйича зирҳланган кузови. Мазкур кузов ва ойна 7,62 калибрли снайпер ўқларига бардошли. Бироқ бу каби жиҳатлари сабаб автомобиль оғирлиги 6,5 тоннага етган.
Автомобиль салони ҳақиқатда «президентларга хос» даражада ҳашаматли жиҳозланган. Сотувга қўйилган лимузинларнинг иккаласи ҳам наппа чарми билан қопланган: биринчисида — қора, иккинчисида — Seashell рангли ёрқин сарғиш. Орқа ўриндиқдаги йўловчилар учун катта экранли алоҳида мультимедиа тизими, шунингдек, иситиладиган ва индивидуал созлаш мумкин бўлган ўриндиқ мавжуд.
Бундан ташқари, базавий жамланмадан премиум-синфга оид акустик тизим, атрофни тўлиқ кузатиш тизими, адаптив круиз-назорат, смартфонлар учун симсиз қувватлантиргич ўрин олган.
Машиналар 598 от кучини тақдим этишга қодир 4,4 литрли V8 гибрид мотори ёрдамида ҳаракатга келади.
Aurus расмий дилери Senat лимузинига буюртмалар қабул қилишни бошлаган — 26,9 миллион рублдан. Таққослаш учун, шу каби жамланмага эга базавий седан нархи 24 миллион рублни ташкил этади — бу эълонда кўрсатилган лимузиндан тўрт баробар арзон демак.
Мавзуга доир:
