Навоий шаҳрида яшовчи эркак рашк сабаб бир эркак ва бир аёлни пичоқлаб қўйди, дея хабар бермоқда Тергов департаменти.
Қайд этилишича, 2021 йилнинг 20 апрель куни соат 21:30 ларда 24 ёшли Х.Д. Навоий шаҳар С.Айний кўчасида яшовчи таниши 28 ёшли Х.Н. ўзининг яшаш хонадонида 29 ёшли А.Ж. билан ўзаро гаплашиб турганини кўриб қолиб, рашк туфайли ошхона пичоғи билан Х.Н. ва А.Ж.нинг қорин соҳасига қасддан бир маротабадан уриб, жароҳат етказган.
Мазкур ҳолат юзасидан Навоий шаҳар ИИБ ҳузуридаги Тергов бўлими томонидан Х.Д.га нисбатан Жиноят кодексининг 104-моддаси 2-қисми «л» банди (қасддан баданга оғир шикаст етказиш) билан жиноят иши қўзғатилиб, процессуал тартибда ушланган.
Ҳозирда тергов ҳаракатлари олиб борилмоқда.
Бундан аввал Қашқадарёда ҳомиладор хотини, қайнанаси ва икки нафар болани пичоқлаб ўлдирган эркак умрбод қамоқ жазосига ҳукм қилингани, Самарқандда собиқ турмуш ўртоғининг уйига фарзандини кўришга келган эркак қайнонасини ўроқ билан уриб ўлдиргани ҳамда Сурхондарёда 46 ёшли эркак дарахтдан довучча олаётган вояга етмаган болани пичоқлаб қўйгани ҳақида хабар берилганди.
Изоҳ (0)