Kornell университети олимлари сирли галактикалараро объект 2025 йил ноябрь ойида Ерга етиб келиши мумкинлигини маълум қилди. Бу ҳақда уларнинг тадқиқотига таяниб “РИА Новости” хабар берди.
Тадқиқотчилар прогнозига кўра, объект технологик артефакт бўлиши, ҳаттоки фаол интеллектга эга бўлиши мумкин. Бу эса унинг мақсад ва ҳаракатларини олдиндан башорат қилиш деярли имконсизлигини англатади. Объект илк бор 2025 йил 1 июль куни кузатувлар вақтида аниқланган.
Бундай фавқулодда ҳолатларда инсоният ҳеч қандай ҳаракат қилмасдан, ушбу ақл-идрокка эга объектни очиқ бағир билан кутиб олиши керак, дейди олимлар.
Бироқ ушбу тадқиқот илмий ҳамжамиятда жиддий танқидга учраган. Бошқа олимлар фикрича, ўзга сайёралик деб тахмин қилинаётган объект аслида оддий кометада бўлиши мумкин.
Барча мавжуд далиллар шуни кўрсатадики, бу бошқа бир юлдуз тизимидан учиб чиққан оддий комета. Худди бизнинг Қуёш тизимимиздан миллиардлаб кометалар учиб чиққани каби, деган Режина университети астрономия профессори Саманта Лоулер The New York Post нашрига берган изоҳида.
Мутахассислар жамоатчиликни ҳали илмий экспертизадан ўтмаган ушбу мақолага эҳтиёткорлик билан, шубҳа билан қарашга чақирмоқда.
Изоҳ (0)