Vladimir Putin Rossiya Federal majlisiga murojaatini o‘qib eshittirmoqda (to‘g‘ridan to‘g‘ri efir)

Rossiya prezidenti Vladimir Putin Federal Majlisga o‘zining 17-murojaatini o‘qishni boshladi. Tadbir “Manej” markaziy ko‘rgazma zalida bo‘lib o‘tmoqda, deb yozadi “RBK”.

Tadbirning asosiy mavzusi pandemiya ta’sirida bo‘lgan iqtisodiyot va fuqarolarni qo‘llab-quvvatlashga qaratilgan tizimli chora-tadbirlar bo‘lishi kutilmoqda.

Putin o‘z nutqini COVID-19 epidemiyasining boshlanishi haqidagi xotiralar bilan ochdi. U  har doim koronavirus pandemiyasi keltirib chiqargan sinovlarni muvaffaqiyatli yengib o‘tishga ishonganini aytdi. Shu bilan birga, u rossiyaliklarni hushyorlikni yo‘qotmaslikka, ehtiyot choralarini ko‘rishga va virusga qarshi emlanishga chaqirdi. “Koronavirus hali to‘liq mag‘lub etilmagan, bu esa to‘g‘ridan-to‘g‘ri tahdid bo‘lib qolmoqda”, — dedi prezident.

“Men boshqa davlatlar rahbarlaridan shunday bahoni tez-tez eshitganman: biz mutlaq noaniqlik bilan ish ko‘ryapmiz. Bu haqiqatan ham shunday edi”, — dedi prezident. Shundan so'ng, u kasalxonalardagi og‘ir vaziyat va kislorod yetishmasligini, do‘konda oziq-ovqat taqchilligi haqida esladi.

Shundan keyin Putin Rossiyaning eng yuqori milliy ustuvor vazifasi nima ekanini aytdi. “Rossiya xalqini himoya qilish mamlakatning eng muhim milliy ustuvor vazifasidir”, — dedi Prezident.

Ushbu ustuvor vazifa yangilangan Konstitutsiyaning barcha qoidalarida aks etgan, dedi Putin. “Oilani himoya qilish to‘g‘risida, ota-onalarning bolalarni tarbiyalashdagi eng muhim roli to‘g‘risida, ijtimoiy kafolatlarni kuchaytirish, iqtisodiyot, ta’lim va madaniyatni rivojlantirish to‘g‘risida” deya, sanab o‘tdi u.

Rossiya ma’muriyatining strategiyasi — aholining barqaror o‘sishiga qaytadan kirishish va 2030-yilda Rossiyada o‘rtacha umr ko‘rishni 78 yilga yetkazish.

“Statistikalar, afsuski, noxush raqamlarni keltirib chiqarmoqda hatto ma’lum darajada pasayishni ko‘rmoqdamiz, bu pandemiya bilan bog‘liq holda yuz berayotgani shubhasiz, ammo biz ushbu eng muhim sohadagi strategik maqsadlarni bekor qilmaymiz”, — dedi prezident.

Tadbir zalida deputatlar, senatorlar, hukumat a’zolari, prezident ma’muriyati vakillari, hududlar rahbarlari, konstitutsiyaviy va oliy sudlar, rus pravoslav cherkovi va boshqalar— jami 1000 ga yaqin kishi ishtirok etmoqda. 435 nafar jurnalist tadbirni kuzatish uchun akkreditatsiyadan o‘tgan.

Avvalroq Putinning murojaati arafasida Moskvadagi Manej maydoniga to‘siqlar o‘rnatilgani haqida xabar berilgandi.  Moskva meriyasiga ushbu sanada Manej maydonida Aleksey Navalniyni qo‘llab-quvvatlovchi aksiya o‘tkazish haqida ariza kelib tushgan. Shahar hokimiyati bunga rozilik bermagan.