Ҳиндистоннинг Махараштра штатида коронавирусга чалинган беморларни даволовчи касалхонада кислороднинг цистернадан сизиб чиқиши оқибатида 24 нафар одам ҳаётдан кўз юмди. Бу ҳақда NDTV хабар қилган.
Қайд этилишича, ҳодиса Нашик шаҳридаги Зокир Ҳусайн муниципал касалхонасида содир бўлган. Бино ичида 150 нафарга яқин бемор бўлган, уларнинг аксар қисми ўпкани сунъий шамоллатиш аппаратларига, айримлари кислород аппаратларига уланган эди.
Маҳаллий ҳокимият вакилларидан бири Сураж Мандхарнинг айтишича, айни вақтда кислород етказиб бериш қайта ишга туширилган ва қолган беморларнинг ҳаётига ҳеч нарса хавф солмаяпти.
Махараштра соғлиқни сақлаш вазири Ражеш Топ штат маъмуриятининг ҳодиса юзасидан чуқурлаштирилган текширув олиб борилишини ваъда қилган.
#WATCH | An Oxygen tanker leaked while tankers were being filled at Dr Zakir Hussain Hospital in Nashik, Maharashtra. Officials are present at the spot, operation to contain the leak is underway. Details awaited. pic.twitter.com/zsxnJscmBp
— ANI (@ANI) April 21, 2021
Аввал март ойида Ҳиндистоннинг Мумбай мегаполисида COVID-19’га чалинган беморлар даволанадиган касалхонада ёнғин содир бўлгани ва 10 нафар одам фавқулодда ҳодиса оқибатида ҳаётдан кўз юмгани хабар қилинганди. 10 апрелда Нагпур шаҳридаги коронавирусга чалинган беморлар даволанаётган шифохонада келиб чиққан ёнғин оқибатида тўрт киши қурбон бўлган.
Изоҳ (0)