АҚШда матн теришга мўлжалланган энг тезкор клавиатура яратилди

Америкадаги CharaChorder стартапи CharaCHorder Lite номли интеллектуал клавиатурани яратиш бўйича янги лойиҳани ишга туширди, деб хабар беради «Korrespondent.net».

Ихтирочилар олдинги тезлаштирилган матн териш тизимини уч ўлчамли мураккаб ўтказгичли иккиталик модулли комбинациядан иборат бутун бошли сўзларни танлаш имконияти орқали соддалаштирган.

Янги CharaChorder Lite оддий клавиатура каби кўринишга эга, бироқ сўз териш дастури фойдаланувчи бутун бошли матнни ёзмаслигини таъминлайди. Клавишлар комбинацияси кенг тарқалган қатор сўзларни тақдим этади ва улар орасидан кераклисини танлаб олиш мумкин — бу «аккорд» деб аталади.

Бундан ташқари, гапдаги сўзни тўғри тартибда ёзиш шарт эмас, технология сўзларни гапга мослаб териб чиқишга қодир. Мазкур ихтиро бузилган имло билан ҳам сўзларни осонликча ўқий оладиган инсон онги хусусиятларига асосланган.

Дастурда мавжуд аккордларга исталганча қўшимча қўшиш мумкин, масалан, профессионал матн ёзиш учун. Маълумотларни қайта ишлаш клавиатура ичида амалга оширилади, Mac OS, Windows, iOS, Android ва Linux билан ишлаш талаб этилмайди.

Бу орқали оддий фойдаланувчи дақиқасига 40 та сўз ёзиш тезлигини 250 тагача етказиши мумкинлиги айтилмоқда. Қурилма нархи 299 долларни ташкил этади.

Аввалроқ АҚШда қоғоздан Bluetooth-клавиатура яратилгани тўғрисида хабар берилганди.