Apple компанияси ўзининг янги тақдимоти 20 апрель куни бўлиб ўтишини расман тасдиқлади. Тадбир Тошкент вақти билан соат 22:00 да бошланади. Бу ҳақда компания сайтида маълум қилинган.
Аввалроқ тақдимот ўтказилиши ҳақида Apple’нинг овозли ёрдамичиси Siri маълум қилганди. «Махсус маросим 20 апрель, сешанба куни Калифорния штатидаги Купертино шаҳрида жойлашган Apple Park’да бўлиб ўтади. Батафсил маълумотлар билан Apple сайти орқали танишишингиз мумкин», — дея эълон қилганди Siri.
Аввалроқ Канг тахаллуси билан танилган хитойлик машҳур инсайдер Apple’нинг навбатдаги 23 март куни бўлиб ўтишини маълум қилганди. Ўшдан тақдимотда iPad’нинг янги модели намойиш этилиши мумкинлиги тахмин қилинганди, чунки глобал Pro версияси янгиланмаганига икки йилдан ошди. Шунингдек, компания MiniLED-дисплейли илк планшетларини тақдим этишни режалаштираётгани борасида кўплаб ҳисоботлар мавжуд.
Изоҳ (0)