Феликс Лало исмли мусиқачи TikTok ижтимоий тармоғида Гарри Поттерга жуда ўхшашлиги билан машҳурликка эришди. У ўзини Дэниел Рэдклиффнинг норасмий эгизаги деб атамоқда, деб ёзади «Korrespondent.net».
Мусиқачи юмалоқ кўзойнакларни тақиб, пешонасига сохта чандиқни чизиб, Хогвартс мактаби ўқувчиларининг формасини кийиши билан уни кинодаги бош қаҳрамондан деярли аржатиб бўлмайди.
«Мен Гарри Поттер олами билан кеч танишганман. Сеҳргар болакай ҳақидаги биринчи китобни ёшлигимда ўқиганман, орадан йиллар ўтгач эса бутун серия билан танишдим. Ўшанда ушбу тарих менга янги бўёқларда кўрина бошлади. Бунга карантин сабаб уйдан чиқа олмаганимни қўшсак, мана TikTok’да ўтириб, эгизагим ҳақида роликларни суратга олмоқдаман», — дейди Лало.
Лалонинг контенти кутилмаганда жуда оммалашиб кетди, Феликснинг ўзи эса ижтимоий тармоқнинг ҳақиқий юлдузига айланди. Айни вақтда унинг 1,3 миллиондан ортиқ обуначиси бор.
Видеоларнинг бирида Лало оддий йигитдан ўзининг эгизаги Поттерга айланаётгани тасвирланган, шунингдек, у Гарри Гриффиндорда эмас, балки Слизеринда ўқиганида қандай бўлишини тасаввур қилиб кўрган.
Изоҳ (0)