Feliks Lalo ismli musiqachi TikTok ijtimoiy tarmog‘ida Garri Potterga juda o‘xshashligi bilan mashhurlikka erishdi. U o‘zini Deniyel Redkliffning norasmiy egizagi deb atamoqda, deb yozadi “Korrespondent.net”.
Musiqachi yumaloq ko‘zoynaklarni taqib, peshonasiga soxta chandiqni chizib, Xogvarts maktabi o‘quvchilarining formasini kiyishi bilan uni kinodagi bosh qahramondan deyarli arjatib bo‘lmaydi.
“Men Garri Potter olami bilan kech tanishganman. Sehrgar bolakay haqidagi birinchi kitobni yoshligimda o‘qiganman, oradan yillar o‘tgach esa butun seriya bilan tanishdim. O‘shanda ushbu tarix menga yangi bo‘yoqlarda ko‘rina boshladi. Bunga karantin sabab uydan chiqa olmaganimni qo‘shsak, mana TikTok’da o‘tirib, egizagim haqida roliklarni suratga olmoqdaman”, — deydi Lalo.
Laloning kontenti kutilmaganda juda ommalashib ketdi, Feliksning o‘zi esa ijtimoiy tarmoqning haqiqiy yulduziga aylandi. Ayni vaqtda uning 1,3 milliondan ortiq obunachisi bor.
Videolarning birida Lalo oddiy yigitdan o‘zining egizagi Potterga aylanayotgani tasvirlangan, shuningdek, u Garri Griffindorda emas, balki Slizerinda o‘qiganida qanday bo‘lishini tasavvur qilib ko‘rgan.
Izoh (0)