Самарқанд вилояти Пайариқ туманида 1 апрель куни фуқаролардан бири ўз уйида қиморхона очгани маълум бўлди. Бу ҳақда ИИБ матбуот хизмати хабар қилди.
Маълум қилинишича, 43 ёшли Ж.Х таваккалчиликка асосланган Лото ўйинини қонунга хилоф равишда ташкил қилиб келаётганлиги айтилмоқда.
Ҳодиса жойидан Лото ўйинида иштирокчилар томонидан тикилган ва уларнинг ўйнашлари учун шароит яратиб берганлиги эвазига берилган жами 298 000 сўм пуллар, ўйинда ишлатилган ва захирадаги жами 235 дона тошлар, 790 дона ушбу ўйинда фойдаланишга мўлжалланган 50 сўмлик тангалар тегишли тартибда расмийлаштириб олинган.
Мазкур ҳолат юзасидан Ж.Х.га нисбатан Жиноят кодексининг 278-моддаси 1-қисми (қимор ва таваккалчиликка асосланган бошқа ўйинларни ташкил этиш ҳамда ўтказиш) билан жиноят иши қўзғатилиб, процессуал тартибда ушланган.
Ҳозирда тергов давом этмоқда.
Маълумот ўрнида, Жиноят кодексининг 278-моддаси 1-қисмига мувофиқ, ушбу турдаги жиноят учун 7 йилгача озодликдан маҳрум қилиш жазоси тайинланиши мумкин.
Бундан аввал Навоийда ижара уйини қиморхонага айлантирган шахс қўлга олингани, Самарқандда уйида хўроз уриштирган шахслар аниқлангани ҳамда яшаш уйида қиморхона ташкил этган самарқандлик эркакка нисбатан жиноят иши қўзғатилгани ҳақида хабар қилинганди.
Изоҳ (0)