Lenovo компанияси геймерлар учун Legion Duel 2 смартфонини тақдим этди. Флагман иккита USB-C порти ва иккита совитувчи кулерга, орқа қопғоғида ноодатий симметрик дизайн ва RGB-ёритгичларга эга, деб ёзади «Afisha.uz».
Смартфон Full HD+ сифатни қўллаб-қувватловчи ва 144 герцли янгиланиш частотасига эга 6,92 дюймли OLED-дисплей билан жиҳозланган. Бармоқ изи сканери ҳам дисплейга жойлаштирилган. 44 мегапикселли фронтал камераси қурилманинг ён томонидан чиқиб келади.
Янги қурилмада асосий камера иккита: 64 ва 16 Мп. 64 мегапикселли датчик ёрдамида сониясига 30 кадрдан иборат 8К сифатли ва сониясига 120 кадрдан иборат 4К сифатли видеони ёзиш мумкин. Камералар ёнида RGB-ёритгичли логотип ва кулерлар учун вентиляцион тешик жойлашган — улар дақиқасига 15 минг марта айланади.
Legion Phone Duel 2’нинг ён томонларидан бирига тўртта ультратовушли тугма, шунингдек, орқа томонига иккита сенсор ўрнатилган.
Смартфон ичидан Snapdragon 888 процессори, 18 гигабайт тезкор ва 512 гигабайт ички хотира ўрин олган. Lenovo’дагиларнинг айтишича, сиғими 5500 мА/соатга тенг аккумулятор 909 ваттли қувватлантириш блокида 17 дақиқа ичида 100 фоизгача қувватлана олади.
Европада Legion Phone Duel 2 майдан бошлаб сотувга чиқади. Смартфонга қўшимча равишда аксессуарларни ҳам харид қилиш мумкин: ташқи совитувчи кулер ва клавиатура ва сичқончага уланиш имкониятига эга USB-портлар учун HDMI орқали тасвирни мониторга узатадиган махсус док.
Lenovo Legion Duel 2’нинг Европадаги расмий нархи:
- 12/256 ГБ — 799 евро;
- 16/512 ГБ — 999 евро;
- 18/512 ГБ — 1099 евро.
Изоҳ (0)