ZТЕ компанияси Axon 30 сериясига кирувчи қурилмаларининг камерасига катта эътибор қаратмоқда, деб хабар беради Hi-Tech.Mail.ru. Смартфонлар тақдим этилишига бир неча кун қолди ва компания Axon 30 Ultra модели Super Moon Ultra режимида ишлашини тасдиқлаган.
Осмон жисмлари ёки тунги осмон соҳаларини суратга олишга мўлжалланган махсус режим — бу смартфонлардаги янги функция эмас, бироқ ZТЕ Axon 30 Ultra’да уни янги даражага кўтарадиган кўринади. Бу қурилмага рақибларини ортда қолдириш имконини беради.
Компаниянинг маълум қилишича, Super Moon Ultra режимига эга смартфон Ой ва бошқа космик объектларнинг аниқ тасвирини узатиш учун бир нечта камералар синхронизациясидан фойдаланади. Бундан ташқари, таъкидланишича, ZТЕ Axon 30 Ultra инсон кўзи билан кўриш мумкин бўлган идеал ой ёғдусини ҳосил қилади. Қуйидаги суратлар компания томонидан тақдим этилган:
Смартфон асосий камераси учта объективга эга бўлади: 64 мегапикселли кенг бурчакли, 64 мегапикселли ўта кенг бурчакли, 5 каррали оптик зумга эга 8-мегапикселли перископик объективга қўшимга равишда 64 мегапикселли портрет фокус объективи.
Қурилма дисплейи эса 120 герц янгиланиш частотасига эга 6,92 дюймли OLED-экран ҳисобланади. Шунингдек, янги сериядаги иккала модель ҳам экран 44 мегапикселли иккинчи авлод экран ости фронтал камерасига эга бўлади.
Аввалроқ iPhone 12 Pro Max флагмани Apple’нинг энг яхши «камерафон»ига айлангани, бироқ у DxOMark рейтингида тўртинчи ўринни эгаллагани тўғрисида хабар берилганди.
Изоҳ (0)