Россиянинг Caviar заргарлик бренди инсоннинг космосга амалга оширган биринчи парвозига 60 йил тўлиши муносабати билан «Космосни жиловлаганлар» номли янги коллекциясини тақдим этди, деб хабар беради Hi-Tech.Mail.ru.
Коллекциядаги биринчи модель Юрий Гагарин шарафига яратилган. Гагарин моделининг корпуси авиация титанидан ишланган ва Гагарин Ер орбитасига кўтарилган «Восток» ракетаси тасвирланган. Қурилма корпусида космосга амалга оширилган биринчи парвоз санаси ёзилган соатни кўриш мумкин. Айнан шу каби соатлар ёрдамида Юрий Гагарин 108 дақиқани санаган.
Гагарин модели дизайнининг яна бир ноёб жиҳати — «Восток-1» космик кемасининг ҳақиқий парчаси жойлаштирилганида. Ушбу кема биринчи бўлиб Ер атрофини айланиб чиққан.
«Космосни жиловлаганлар» коллекциясининг бошқа бир модели космик саноатнинг замонавий пионери — Илон Маскка бағишланган. Таниқли тадбиркорнинг орзуси Марсни тадқиқ этишдан иборат.
Мusk сериясидаги телефонлар корпуси ўта юқори мустаҳкамликка эга PDV-қопламали титандан ишланган бўлиб, ундан Falcon ва Space Dragon кемаларини яратишда фойдаланилган. Ҳар бир моделга Илон Маскнинг Марс фонидаги тасвири туширилган — у қизил титандан ишланган. Парвоз траекторияси эса Falcon 9 ва SRS-17 Dragon бортлари орқали космосга кўтарилган SpaceX космик аппаратларининг ҳақиқий бўлаги ҳисобланади.
Шунингдек, линейкадан Королев смартфонлари ҳам ўрин олган — бу тилла суви югуртирилган модель буюк совет муҳандиси ва биринчи сунъий йўлдош ихтирочисининг шарафига номланган, Безос смартфонини эса Blue Origin компаниясининг рамзи безаб туради —кул ранг титан патқалам кўк тошли композитдан ишланган Ер фонида тасвирланган. Армстронг моделида Ойга биринчи инсонни етказиб борган «Апполон-11» кемасининг ҳақиқий бўлагидан фойдаланилган.
Смартфонлар нархи 4500 доллардан бошланади.
Изоҳ (0)