Голливуд юлдузлари орасида шоҳона қасрда яшайдиганлар кам эмас. 10 йилдан буён Нью-Йорк, Лиссабон ва Хемптонсда яшаб келаётган жаҳон юлдузи Мадонна ҳам Лос-Анжелесдан кошона сотиб олишга қарор қилди. 62 ёшни қаршилаган хонанда 27 яшар севгилиси Аҳламалик Уильямс ҳамда 4 нафар фарзанди билан Лос-Анжелеснинг бир қисми бўлган Ҳидден-Ҳилз шаҳрига кўчиб ўтди.
Маълумотларга кўра, хонанда ҳашаматли кўчмас мулкни агентликдан эмас, балки тўғридан-тўғри уйнинг аввалги эгаси бўлмиш «The Weeknd» тахаллусли қўшиқчидан сотиб олган.
Айтганча, юлдузлар узоқ вақтдан буён савдолашиб келишган. Weeknd деярли тўрт йил аввал уйни 18,2 миллион долларга сотиб олган ва унга дастлаб 25 миллион доллар баҳо берган. Аммо орадан вақт ўтиб, уйнинг нархи 22 миллион долларга тушган. Кейинроқ Мадонна уни янада арзонроққа сотишга кўндирди.
Тўққизтадан ётоқхона ва ҳаммомдан иборат 1171 квадрат метрли қаср 1,2 гектар майдон кенглигида жойлашган.
Очиқ ранг ва табиий ёғоч билан ишланган уй икки қаватдан иборат.
Қаср бешта машинага мўлжалланган автотураргоҳ, катта меҳмонхона, офис, кутубхона, уй кинотеатри ҳамда иккита кенг ошхонага эга.
Уйнинг том қисмида нафақат қуёш ботишини томоша қилиш мумкин бўлган ўриндиқлар, балки баскетбол майдончаси ҳам мавжуд.
Шунингдек, кечки пайт дам олиш учун уйнинг орқа қисмида атрофи диван ва барбекю билан жиҳозланган ҳовузни кўриш мумкин.
Мавзуга доир:
- Рианна 13,8 млн долларга ҳашаматли кошона сотиб олди (фото)
- Голливуд актрисаси Скарлет Йоханссоннинг Нью-Йоркдаги 2 миллион долларлик пентхаусига саёҳат (фото)
- Фото: Юлдузларнинг болалигидаги ва ҳозир истиқомат қиладиган уйлари (фото)
- «Тахтлар ўйини» сериали юлдузи Эмилия Кларкнинг Лос-Анжелесдаги уйига саёҳат (фото)
- Голливуд юлдузи Анжелина Жолининг Лос-Анжелесдаги вилласига саёҳат (видео)
- Голливуд актрисаси Кейт Уинслетнинг Нью-Йорк марказида жойлашган икки қаватли пентхаусига саёҳат (фото)
Изоҳ (0)