Америкалик рэпер Канье Уэст Ким Кардашьян билан ажрашганидан сўнг, тўрт нафар фарзандини биргаликда васийлик қилишга рози бўлди. 9 апрель куни мусиқачининг юристлари тегишли аризани Лос-Анжелес олий округ судига киритган, деб хабар беради Esquire.
Никоҳ шартномасига кўра, Кардашьян ва Уэстнинг биргаликдаги мол-мулки йўқ. Эр-хотиннинг иккиси ҳам ўзаро муросасизликни ажрашишга сабаб сифатида кўрсатган. Шунингдек, Уэст ва Кардашьян қонун бўйича камроқ даромад топадиган шеригига пул ундириш имконини берадиган эр-хотин алиментларидан воз кечган. Ажрашиш санасига аниқлик киритилмаган.
2021 йилнинг январида Америка реалити-шоулари юлдузи Ким Кардашьян 6 йиллик турмушдан сўнг, рэпер Канье Уэст билан ажрашаётгани тўғрисида хабарлар тарқалганди. Реалити-шоулар юлдузи ва рэпер 6 йиллик турмушдан сўнг ажрашишга қарор қилган, жуфтликнинг тўрт нафар фарзанди бор. Катта қизи Норт ҳозирда 7 ёшда, ўғли Сейнт — беш ёш, Чикаго исмли қизи кейинги ҳафта уч ёшга тўлади, кенжаси Саам эса эндигина тўққиз ойлик бўлди.
Маълумот учун, Канье Уэст Кардашьяннинг учинчи турмуш ўртоғи ҳисобланади. Биринчи турмуш ўртоғи, мусиқа продюссери Деймон Томас билан у 2004 йилда ажрашган бўлса, баскетболчи Крис Хамфрис билан қурган иккинчи турмуши эса 72 кун давом этган.
Изоҳ (0)