Голливуд юлдузлари деганда, одатда, барчанинг кўз олдига ғурурли инсонлар келади. Ҳаттоки ана шундай машҳурлар билан учрашган оддий инсонлар ҳикоясига ҳам ишониш қийин.
Бу борада Twitter фойдаланувчилари ўзларининг қарашлари билан бўлишди. Маълум бўлишича, уларнинг аксарияти одобли, жуда дўстона инсонлардир. Масалан, Marvel фильмида Қора Пантера ролини ижро этган Чедвик Боузман ўз мухлисининг ёнига келган ва суратга тушишни ҳам таклиф этган.
Таниқли актёр Том Хенкс ҳам бир ватқлар хотдог сотувчисининг булочкалари тугаганида у билан бирга дўконга югурган эди. Шунингдек, ўтиб кетаётганларга ҳам хотдог харид қилишни тавсия этган.
«Жефф Голдблюм жуда ажойиб инсон. Биз фестивалда учрашиб қолганмиз. Мен уни таниганим учун жилмайдим, у эса менга қучоқларини очган. Ҳаммаси зўр бўлганди», – дейилган Twitter’да.
«Менинг хонадошим Лос-Анжелесдаги ресторанларнинг бирида менежер бўлиб ишлаган. У ерда Гарри Стайлз тез-тез меҳмон бўлиб турарди. Ресторан карантин учун ёпилганида Гарри дўстимга хабар юбориб, унинг аҳволи ҳақида сўраган. У ажойиб йигит».
Шунингдек, малика Диана билан учрашиш бахтига муяссар бўлганлар ҳам бор эди: «У сафарда бўлган вақтда бизнинг шаҳар ҳам рўйхатда бўлган. Биз унинг қўл силкитишини кутаётган эдик, лекин малика Диана машинани тўхтатиб, ёнимизга келган».
«Дэниэл Редклифф – таниқли одамлар ичида энг одобли шахс. 2015 йилда бизнинг шаҳарда фильм суратга олинган. Актёр кўп вақтини суратга олиш майдончасида ўтказса-да, ишдан сўнг у доимо биз билан суҳбатлашиш учун вақт топар эди».
Мавзуга доир:
- Ашаддий мухлислари таъқибига учраган машҳурлар (фото)
- Жулия Роберц бўлишни орзу қилган Эмма Уоцон, Жонни Деппни қучиш орзусидаги Пинк. Голливуд юлдузларининг кумирлари
- Бритни Спирснинг сақичи, Леди Гаганинг тирноғи. Мухлислар томонидан қилинган энг аҳмоқона харидлар
- Голливуд актёрлари қайси Болливуд юлдузлари билан бир кинода рол ижро этишни орзу қилади? (фото)
Изоҳ (0)