Болливуд киносининг энг ёрқин актёр ва актрисалари ҳаёти билан боғлиқ қизиқарли маълумотларни эътиборингизга ҳавола этамиз.
Амитабҳ Баччан
Нафақат актёр, балки сиёсатчи, продюсер ва телебошловчи ҳисобланган актёр 11 маротаба Filmfare мукофоти, шунингдек, Ҳиндистоннинг бошқа бир қанча нуфузли мукофотларини ҳам қўлга киритган. «Қасос ва қонун» фильмидаги ижросидан кейин яхши танилган актёр, бошқа лойиҳаларда иштирок этиб муваффақиятга эришган. Бугунги кунда ҳам роль ижро қилишдан чарчамайдиган Амитабҳнинг ўғли, қизидан фарқли ўлароқ актёрликни танлаган.
Митҳун Чакраборти
1982 йилда «Диско раққоси» фильми экран юзини кўрганидан кейин машҳурликка эришган актёр, карьераси давомида 350 дан ортиқ фильмда суратга тушган. Ёгита Бали билан турмуш қуриб, тўрт нафар фарзандли бўлган Чакраборти бугунги кунда ҳам фильмларда роль ижро қилиб туради.
Рекҳа
Кино сабаб мактабни ташлаган актриса, суратга олиш жараёнида Амитабҳ Баччан билан танишган. Жая билан турмуш қурган актёрнинг Рекҳага илакишиб қолгани миш-миш ва турли муҳокамаларга сабаб бўлган. 1982 йилда суратга олиш майдончасида жиддий жароҳат олган Баччан, бир неча ҳафта комада ётган. Ўзига келганидан кейин эса Рекҳа билан муносабатларига нуқта қўйиб, оиласининг бағрига қайтган. Мукеш Аггарвалга турмушга чиққан акртиса, айни вақтда синглиси ва жиянлари билан Мумбайда яшайди ва онда-сонда экранларда кўриниш беради.
Ракҳи Гулзар
«Издан чиққан ҳаёт» фильми дебют бўлган актриса йилига ўнтага яқин фильмда суратга тушган. Саломатлигида муаммо кузатилганидан кейин кинони тарк этиб ўзини оиласига бағишлаган. Кейинчалик турмуш ўртоғи билан ажрашган ва қизининг отаси билан қолгани спиртли ичимликка ружу қўйишига сабаб бўлган. Бу унинг ташқи кўринишига ҳам салбий таъсир қилганига қарамай, ўзида куч топиб кинога қайтишга қарор қилган. Унинг иштирокидаги сўнгги фильм 2003 йилда экран юзини кўрган.
Шридеви
70 йилларда дебют ролини ижро қолган актриса карьераси давомида 265 та фильмда суратга тушган. Ижроси сабаб Filmfare мукофотини Энг яхши актриса сифатида қабул қилган Шридеви, оласига ўзини бағишлаш мақсадида 1997 йил киносаноатни тарк этган. 1999 йилда фикридан қайтиб қолган актриса, 17 йил ичида 4 та картинада роль ўйнаган.
Дҳармендра
19 ёшида ота-онаси томонидан мажбуран уйлантириб қўйилган актёр, икки фарзандли бўлганидан кейин ажрашиб, ҳаётини буткул ўзгартиришга қарор қилган. У «Зита ва Гита» фильмининг суратга олиш жараёнида Ҳема Малини билан танишган. Ҳема ва Дҳармендра Болливуднинг энг кўп муҳокамаларга сабаб бўлган жуфтлиги бўлган. Турмуш қурган юлдузлар оиласида, икки нафар фарзанд дунёга келган.
Ҳема Малини
Нафақат роль ижро қилиш, балки рақсга тушишни ҳам қойиллатадиган актрисанинг машҳурликка эришишига «Зита ва Гита» фильми сабаб бўлган. Ҳиндистон бўйлаб танилган актрисанинг оилали Дҳармендра билан учрашиши яқинларининг ғазабини келтирган. 1978 йилда отаси вафот этганидан кейин актриса, Дҳармендранинг турмуш қуриш таклифини қабул қилган. Узоқ йиллар бирга яшаган жуфтлик сиёсат билан ҳам шуғулланган. Дҳармендра 2000 йилнинг бошида Ҳиндистон парламенти қуйи палатасининг миллий партиясини бошқарган.
Мавзуга доир:
Изоҳ (0)